Ուտում է արջի պես․ ի՞նչ է ներառում Հալանդի սննդակարգը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նորվեգիայի հավաքականի և «Մանչեսթեր Սիթիի» հարձակվող Էրլինգ Հալանդի ֆիզիկական հզոր տվյալներն ու խաղադաշտում ցուցադրած արդյունավետությունն ուղղակիորեն կապված են նրա յուրահատուկ սննդակարգի հետ։

Նորվեգացի ֆիզիոթերապևտի խոսքով՝ իսկական վիկինգները կալորիաներ չեն հաշվում, և Հալանդը, պատկերավոր ասած, ուտում է երեքի փոխարեն։ Նշվում է, որ նա միակ ֆուտբոլիստն է, որի օրակարգում խիստ նախատեսված է սննդի ընդունում օրական վեց անգամ։

Ռմբարկուի հարուստ ռացիոնը հիմնված է բարձր սպիտակուցային և բնական մթերքների վրա։ Այն ներառում է հավի միս, պաստա, սթեյք, ձուկ, ձու, տարատեսակ բանջարեղեն, ինչպես նաև մեղր։ Միևնույն ժամանակ, հարձակվողը խստորեն խուսափում է քաղցրավենիքից ու վնասակար ընդմիջումներից՝ ծարավը հագեցնելու համար նախապատվությունը տալով բացառապես մաքուր ջրին։

Ազգային հավաքականում նրա նախկին թիմակից Ջոշուա Քինգը ժամանակին բավականին դիպուկ է նկարագրել Հալանդի ախորժակը.

«Երբեք չեմ տեսել, որ որևէ մեկն այնքան ուտի, որքան նա։ Հալանդն ուտում է արջի պես»։

Նման ֆիզիկական ծանրաբեռնվածության և ինտենսիվ մարզումների պայմաններում նորվեգացի հսկային կերակրելն իսկապես բարդ գործ է, սակայն արդյունքը խաղադաշտում ակնհայտ է։

Հետևեք մեզ՝ այստեղ