Բեռնատար գնացքների բախման հետևանքով մեկ մարդ է զnhվել. Մյունխեն

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Մեկ մարդ զոհվել է այսօր վաղ առավոտյան Մյունխենում տեղի ունեցած երկաթուղային վթարի հետևանքով, երբ քաղաքի հյուսիսային հատվածում գտնվող կամրջի վրա բախվել են երկու բեռնատար գնացքներ։ Այս մասին հայտնում է Reuters -ը։  

 Վթարի արդյունքում երկու վագոն դուրս է եկել գծերից և ընկել կամրջի տակ գտնվող փողոցը։

Ոստիկանության տվյալներով՝ միջադեպը տեղի է ունեցել Միլբերտսհոֆեն շրջանում։ Արտակարգ ծառայությունները վթարի մասին ահազանգը ստացել են տեղական ժամանակով ժամը 01:40-ին (ուրբաթ՝ 23:40 )։

Դեպքի վայր են մեկնել շուրջ 60 փրկարար և արտակարգ արձագանքման ծառայությունների աշխատակիցներ։ Հրշեջ ծառայության ներկայացուցիչների խոսքով, իրականացվել են որոնողափրկարարական և անվտանգային աշխատանքներ՝ հնարավոր լրացուցիչ վտանգները կանխելու նպատակով։

Ոստիկանությունը հաստատել է մեկ մարդու մահվան փաստը, սակայն մահացածի ինքնության վերաբերյալ մանրամասներ առայժմ չեն հրապարակվել։ Տուժածների մասին այլ տեղեկություններ այս պահին չեն հաղորդվում։

Իրավապահ մարմինները սկսել են հետաքննություն՝ պարզելու բեռնատար գնացքների բախման պատճառները։ Ոստիկանության խոսնակը հայտնել է, որ վթարի հանգամանքները դեռևս ուսումնասիրվում են։

Դեպքը ժամանակավորապես խաթարել է երկաթուղային երթևեկությունը Մյունխենի հյուսիսային հատվածում, իսկ մասնագետները շարունակում են աշխատել վթարի հետևանքների վերացման ուղղությամբ։

Հետևեք մեզ՝ այստեղ