Մունդիալ-2026. Նիդեռլանդները ոչ-ոքի խաղաց Ճապոնիայի հետ, Կոտ դ’Իվուարն ու Շվեդիան առաջին հաղթանակներրը տոնեցին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կայացավ ֆուտբոլի 2026 թվականի Աշխարհի առաջնության խմբային փուլի առաջին տուրի Նիդերլանդներ-Ճապոնիա հանդիպումը՝ F խմբի շրջանակում։ Հանդիպումն ավարտվեց ոչ-ոքի։

Առաջին խաղակեսում գոլեր չգրանցվեցին։ Երկրորդ խաղակեսում հանդիպման հաշիվը բացեց Վան Դեյկը, իսկ քիչ անց Նակամուրան հեռահար հարվածով հավասարեցրեց հաշիվը։ Սակայն րոպեներ անց Սամերվիլը կրկին առաջ մղեց նիդերլանդացիներին։ Հանդիպման վերջնամասում Ճապոնիայի հավաքականի ֆուտբոլիստ Կամադան դրեց այս հանդիպման վերջակետը՝ 2-2։

Այս խմբի մյուս հանդիպումը՝ Շվեդիա — Թունիս, կկյանա Երևանի ժամանակով 06։00-ին։

Աշխարհի 2026 թվականի առաջնության առաջին տուրի E խմբի երկրորդ խաղում, ԱՄՆ-ի Փենսիլվանիա նահանգի «Լինքոլն Ֆայնենշլ Ֆիլդ» մարզադաշտում, Կոտ դ’Իվուարի հավաքականը նվազագույն՝ 1-0 հաշվով դրամատիկ հաղթանակ կորզեց Էկվադորի ընտրանու նկատմամբ։

Հանդիպման հիմնական ժամանակն անցավ համառ պայքարում, և երկար ժամանակ դարպասների գրավում չէր արձանագրվում։ Խաղի ելքը վճռվեց բուն ժամանակի վերջին րոպեին. 90-րդ րոպեին Վիլֆրիդ Սինգոյի փոխանցումից հետո Ամադ Դիալոն գրավեց մրցակցի դարպասը՝ ապահովելով իր թիմի կարևոր երեք միավորը։

Հաջորդ տուրում Կոտ դ’Իվուարի հավաքականը հունիսի 20-ին կմրցի Գերմանիայի, իսկ Էկվադորը հունիսի 21-ին՝ Կյուրասոյի ընտրանու հետ։

Աշխարհի 2026 թվականի առաջնության առաջին տուրի F խմբի երկրորդ խաղում, Մեքսիկայի Գվադալուպե քաղաքի «BBVA» մարզադաշտում, Շվեդիայի հավաքականը 5-1 հաշվով խոշոր հաղթանակ տարավ Թունիսի ընտրանու նկատմամբ։

​Շվեդների կազմում հանդիպման հաշիվը 7-րդ րոպեին բացեց Յասին Այարին, իսկ 30-րդ րոպեին Ալեքսանդր Իսակը կրկնապատկեց այն։ Առաջին խաղակեսի ավարտին՝ 43-րդ րոպեին, Թունիսի հավաքականից Օմար Ռեկիկը կրճատեց հաշվի տարբերությունը։ Սակայն երկրորդ խաղակեսում շվեդներն աչքի ընկան ևս երեք անգամ. 59-րդ րոպեին գոլի հեղինակ դարձավ Վիկտոր Յոկերեսը, 84-րդ րոպեին աչքի ընկավ Մատիաս Սվանբերգը, իսկ հիմնական ժամանակին ավելացված 6-րդ րոպեին (90+6′) Այարին խփեց իր թիմի հինգերորդ գնդակը՝ դառնալով դուբլի հեղինակ և ձևակերպելով խաղի վերջնահաշիվը։

​Հաջորդ տուրում Շվեդիայի հավաքականը հունիսի 20-ին կմրցի Նիդերլանդների, իսկ Թունիսը հունիսի 21-ին՝ Ճապոնիայի ընտրանու հետ։

Հետևեք մեզ՝ այստեղ