Թրամփը ցանկանում է, որ կոնգրեսականները «չեղարկեն» իր առաջին ժամկետի իմփիչմենթները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԱՄՆ նախագահ Դոնալդ Թրամփը և նրա շրջապատը ցանկանում են համոզել կոնգրեսականներին ընդունել բանաձև նրա նկատմամբ առաջին նախագահական ժամկետում իմփիչմենթի երկու փորձերի խորհրդանշական չեղարկման մասին։ Այս մասին հայտնել է The Wall Street Journal (WSJ) թերթը՝ հղում կատարելով աղբյուրներին։

Թրամփը ԱՄՆ պատմության մեջ առաջին նախագահն է, որի նկատմամբ իմփիչմենթի ընթացակարգը նախաձեռնվել է երկու անգամ։ Երկու դեպքերն էլ վերաբերում էին նրա առաջին նախագահական ժամկետին, տեղի են ունեցել 2019 և 2021 թվականներին և, չնայած Ներկայացուցիչների պալատի հավանությանը, մերժվել են Կոնգրեսի Սենատում։

Պարբերականը հիշեցրել է, որ ապրիլին հանրապետական կոնգրեսական Դարել Իսան ներկայացրել էր երկու իմփիչմենթների չեղարկման մասին բանաձև, նախաձեռնության համահեղինակ են դարձել 23 հանրապետականներ, իսկ դրա տեքստում առաջարկվում է երկու ընթացակարգերն էլ համարել «չեղարկված, այնպես, կարծես Ներկայացուցիչների պալատը երբեք չէր հաստատել իմփիչմենթի հոդվածները»։

Ներկայացուցիչների պալատի խոսնակ Մայք Ջոնսոնը The Wall Street Journal-ին հայտնել է, որ բանաձևը քննարկել է Թրամփի և նրա խորհրդականների հետ, սակայն այս հարցը Հանրապետական կուսակցության առաջնահերթությունների ցանկում «առաջին տեղում չէ»։ Ինչպես նշել է թերթը, բանաձևը, նույնիսկ եթե ընդունվի Ներկայացուցիչների պալատի կողմից, Թրամփի համար կլինի միայն խորհրդանշական հաղթանակ և դժվար թե ունենա իրավական կշիռ, քանի որ ԱՄՆ սահմանադրությունը նման ընթացակարգ չի նախատեսում։

Հետևեք մեզ՝ այստեղ