Այս հյութերը կկարգավորեն արյան ճնշումը, սրտի աշխատանքը, կիջեցնեն խոլեստերիի մակարդակը

Սրտանոթային առողջությունը բարելավելու համար խորհուրդ է տրվում ձեր սննդակարգում ներառել երեք ըմպելիք, հաղորդում է Runews24.ru-ն՝ հղում անելով գործակալությանը։ Դրանցից առաջինը կանաչ թեյն է։ Այն հարուստ է հակաօքսիդանտներով, որոնք կարգավորում են արյան ճնշումը և իջեցնում խոլեստերինը։ Սակայն մասնագետները նաև հիշեցրել են, որ բոլոր թեյերը պարունակում են կոֆեին, ուստի խորհուրդ է տրվում օրական չխմել երեք բաժակից ավելի։

Լոլիկի և ճակնդեղի հյութերը նույնպես կօգնեն սրտի և արյան անոթների առողջությանը։ Լոլիկի հիմքով ըմպելիքը գործում է նմանատիպ ձևով. իր պարունակած վիտամինների և հանքանյութերի շնորհիվ այն օգնում է հաղթահարել բարձր արյան ճնշումը և նվազեցնել քրոնիկ բորբոքումը։ Ավելին, լոլիկի հյութը նպաստում է սերոտոնինի՝ երջանկության հորմոնի սինթեզին և այդպիսով օգնում է թեթևացնել սթրեսը։

Ճակնդեղի հյութը պարունակում է նիտրիտներ, որոնք ունեն անոթալայնացնող հատկություններ։ Սա ապահովում է արյան նորմալ շրջանառությունը և թեթևացնում սրտի ծանրաբեռնվածությունը։ Բազուկը պարունակում է նաև A, C և B վիտամիններ, կալիում, մագնեզիում և երկաթ։