Օսմանյան կայսրությունը մեկ դար առաջ արել է ամեն ինչ , որպեսզի հայերի մասին որևէ հիշողություն չմնա. Ֆրանչեսկա Պիանա

Օսմանյան կայսրությունը 1915թ. ամեն ինչ արել է, որպեսզի  հայերի մասին ոչ մի հիշողություն չմնա, իսկ դրա արդյունքում հայերը տարածվեցին աշխարհով մեկ: «Ընդդեմ ցեղասպանության հանցագործության» երկրորդ միջազգային գլոբալ ֆորումի ընթացքում այս մասին ասաց Շվեյցարական ազգային գիտական հիմնադրամի գիտաշխատող Ֆրանչեսկա Պիանան: «Հիմա, երբ մենք խոսում ենք Ցեղասպանության միջազգային ճանաչման մասին, բախվում ենք ժխտողականության: Ցավոք, հիմա միջազգային քաղաքականության անբաժան մասն է դարձել փախստականների խնդիրը, որն արդյունք է նաև ցեղասպանությունների համար անպատժելիության և մարդկության դեմ իրականացվող ոճիրների շարունակականության»,-«Արմենպրես»-ի հաղորդմամբ՝ ընդգծեց Պիանան:

Նա հավելեց, որ շատերը 21-րդ դարի մասին խոսում են որպես ծայրահեղ բռնությունների դարաշրջան: «Սա ևս արդյունք է ցեղասպանությունների համար անպատժելիության: Եթե ուսումնասիրենք անցյալի դասերը, Հայոց ցեղասպանության հետևանքներն ու դրան հաջորդող իրադարձությունները, կկարողանանք հասկանալ, թե ինչու է հիմա այս ամենը շարունակվում: Հարկավոր է հասկանալ խնդիրը՝ աշխարհի ապագա խաղաղությունն ապահովելու համար»,- եզրափակեց Պիանան:

Երևանում մեկնարկել է «Ընդդեմ ցեղասպանության հանցագործության» երկրորդգլոբալ ֆորումը: Այն հիմնականում կենտրոնացված է ցեղասպանությունվերապրած կենդանի անձանց և փախստականների խնդիրների վրա:  Ֆորումի պաշտոնական բացումը իրականացրել է ՀՀ նախագահ Սերժ Սարգսյանը: Այնուհետևտեղի Õ ¥ն ունենում նիստեր, իսկ յուրաքանչյուր նիստի ավարտին՝ հարցուպատասխան, որի ընթացքում մասնակիցները իրենց հուզող հարցերն են տալիսզեկուցողներին: Գլոբալ ֆորումը լուսաբանելու համար 70-ից ավել արտասահմանյան լրատվամիջոցներ են հավատարմագրվել: