Թուրքիայի իշխանությունների կողմից փակված «Զաման»-ի գործը կշարունակի նորաստեղծ «Ենի Հայաթ»-ը
Միջազգային
Թուրքիայում լույս է տեսել «Ենի Հայաթ» (Նոր կյանք) նոր թերթը, որում աշխատում են «Զաման» թերթից ազատված լրագրողներն այն բանից հետո, երբ հրատարակությունն անցել էր կառավարությունից հովանավորվողներով իրագործվող արտաքին կառավարման: «Զաման» թերթը Թուրքիայում հրատարակվող հազվադեպ անկախ հայացքներով թերթերից էր:
Ինչպես հաղորդում է «Արմենպրես»-ը, թերթի գլխավոր խմբագիր Վեյսել Այհանը պատմել է «Ենի հայաթի» ծնվելու պատմությունը:
«Մենք լրագրողների ոչ մեծ հաստիք ունենք, եւ այդ փոքր թիմով որոշել ենք մնալ առաջնային դիրքերում ու զբաղվել լրագրությամբ: Մենք մեր միջոցներով սենյակ ենք վարձել, գրենական պիտույքներ ենք ձեռք բերել: Մեր որոշ աշխատակիցներ բերել են իրենց նոութբուքները: Ահա, այսպես է ստեղծվել «Ենի Հայաթ» թերթը», -պատմել է նա:
Նա նաեւ ընդգծել է, որ «միայն վերջին 6-7 ամիսներին Թուրքիայում առանց աշխատանքի են մնացել տպագիր հրատարակություններում եւ ռադիոհեռուստատեսային հեռարձակումներում զբաղված 2000-ից ավելի լրագրողներ»:
Իշխանությունների կողմից «Զաման»-ի զավթումից հետո հեռացած լրագրողներն ու հեղինակները սկզբում ստեղծել էին «Յարընա բաքըշ» (Հայացք վաղվան) թերթը: «Ենի հայաթ» թերթը դարձել է «Զաման»-ից հեռացած լրագրողների հիմնադրած երկրորդ թերթը:
1
2
3
4
5
1
2
3
4
5
2
