5 տեսակի ընկերուհի, որոնք քեզ պետք չեն
Life
Դուք իհարկե չեք հավատում այն հիմար միֆին, որ կանացի ընկերություն գոյություն չունի:
Ինչպե՞ս կարելի է ապրել առանց ընկերուհիների: Ու՞մ զանգահարել գիշերվա 3-ին ճչալով, որ ամեն ինչ ավարտվել է կամ քննարկել նախկին ընկերոջ բնավորությունը և նորի արտաքինը: Ո՞վ ձեզ ճշմարիտ կասի սազո՞ւմ է արդյոք նոր գնված զգեստը, թե՞ ոչ:
Ո՛չ, առանց ընկերուհիների անհնար է: Սակայն գոյություն ունի մեկ նրբություն՝ որոշ կանայք ուղղակի ընկերություն չեն անում, նրանք ձեզ մանիպուլյացիայի են ենթարկում: Նրանք հարմարավետ նստած են ձեր վզին, քաշում են էներգիան կամ ուտում ձեր ուղեղը: Բարեբախտաբար՝ նրանց հեշտ է բացահայտել:
Նախանձ
Նա կարող է լինել հիանալի մարդ բոլոր բնագավառներում, սակայն նախանձն ամեն ինչ կփչացնի: Եվ ոչ այն պատճառով, որ այդպիսի ընկերուհին ձեզ նպատակային վատ բաներ կանի, նույնիսկ, հնարավոր է, վնասակար քայլեր ընդհանրապես չլինեն։ Եվ ոչ այն պատճառով, որ նա անկարող է իր մեջ պահել այդ նախանձը։ Կկարողանա՝ չէ՞ որ դուք ընկերուհիներ եք: Ուղղակի նա պարտադիր կցանկանա ստանալ այն, ինչ դուք ունեք և կհասնի դրան։ Միայն հետո կհասկանա, որ ինքը դա ընդհանրապես չէր էլ ուզում: Եվ ո՞վ է դրա մեղավորը լինելու, այո՛, իհարկե դուք: Մի խորացեք, պարզապես բաժանվեք այդպիսի ընկերուհուց:
Եսասեր
Ո՞վ առաջին իսկ կանչով կվազի ձեր մոտ, ո՞վ սրճարան կգա, ո՞վ չի մոռանա զանգահարել ձեզ: Իհարկե եսասերը: Եվ դրանում ոչ մի զարմանալի բան չկա: Ուղղակի նա դա կանի ոչ թե ձեր համար, այլ, որ նստի ձեր ականջին: Ընդհանրապես նրան չի հետաքրքրում ձեր կյանքը, բայց շատ է հետաքրքրում հնարավորությունը պատմել ձեզ, ինչպես են իր գործերը:
Փրկիչ
Եթե նույնիսկ դուք ոչ մի խնդիր չունեք և պատրաստվում էիք փրկիչ ընկերուհու հետ խոսել արձակուրդների մասին, նրա մոտ միշտ կգտնվի պատրաստի բանաձև: Նա կասի, որ դուք պարտադիր պետք է նստեք դիետայի վրա, քանի որ այդպիսի մարմնով չի կարելի հայտնվել ծովափին: Եվ իհարկե կասի, որ ձեզ այնտեղ կդիմավորի իր ծանոթը: Փրկիչը շատ է ցանկանում զգալ իրեն որպես ձեր հոգատար մայրիկ: Ասածները չանելու դեպքում՝ նա անցնում է պատժիչ գործողությունների:
Խեղճ զոհ
Բոլորը նեղացնում են այս եղնիկի աչքերով փխրուն կնոջը: Իսկ եթե որևէ պատճառով ոչ մեկը մի ամիս չի նեղացնում, ապա խեղճը հիվանդանում է, եթե ոչ մահացու, ապա ինչ որ այլ դժվար բուժելի հիվանդությամբ: Եվ ո՞վ է լուծում նրա բոլոր խնդիրները: Իհարկե դուք: Ամեն դեպքում ընկերական օգնությունը վատ բան չէ, սակայն երբեմն ցանկանում ես ուղղակի թեյ խմել ընկերուհուդ հետ առանց որևէ այլ գործերի:
Գաղափարային
Նեոֆիտի խանդավառությունը սարսափելի բան է: Հենց որ մարդը գայթակղվում է որևէ նոր բանով, նա հասկանում է, որ շուրջը բոլորը սխալ են ապրում: Բնականաբար, նա փորձում է բարություն անել և այլևս նրա հետ ընկերակցությունը անտանելի է դառնում: Բարեբախտաբար, սա երկար չի տևում, և որոշ ժամանակ անց նա դառնում է նորմալ մարդ: Սակայն գաղափարային ընկերուհին այդպիսին չէ: Նրան կրծքում միշտ վառվելու է հեղափոխականի կրակը: Իսկ դուք միշտ նրան օգնելու եք փրկել որևէ վայրի կատվի, ում չգիտես, թե ինչու նա բռնել է, այլապես կհամարվեր անսիրտ մեկը:
Աղբյուր` LADYNEWS.am
1
2
3
4
5
1
2
4
1
3
4
5
