Այս ամենն իմանալով Դուք հեշտությամբ կարող եք պատրաստել յուրաքանչյուր թխվածք

1. Բոլոր բաղադրիչները պետք է սենյակային ջերմաստիճանի լինեն (պատրաստելուց 60-90 րոպե առաջ նախապես սառնարանից հանում ենք)։
2. Ձվի թարմությունը որոշելու համար, պետք է այն ընկղմենք ջրով լի բաժակի մեջ, եթե ձուն սուզվում է բաժակի տակը, նշանակում է թարմ է և հակառակը։
3. Բոլոր բաղադրատոմսերի մեջ նշված ձվերը` առաջին կարգի ստանդարտ չափի հավի ձվեր են։
4. Եթե ցանկանում ենք կազմության հարցում փորձարկումներ անել, ավելի լավ է կաթը յոգուրտով կամ թթվասերով փոխարինենք։
5. Բաղադրատոմսերի մեջ buttermilk ասվածը կարող ենք փոխարինել 1 բաժակ կաթի մեջ 1 թ/գդ քացախի խառնուրդով։
6. Բաղադրիչների ճիշտ քանակությունը որոշելու ամենաճիշտ տարբերակը` էլեկտրոնային կշեռքն է։
7. Մեկ ձուն մոտովորապես միջինը 37-40 գր է կշռում, որից 20-ը մոտավորապես դեղնուցն է։ Ձուն ավելի լավ է առանձնանում, երբ սառած է լինում, իսկ հարելու համար` ամենահարմարը տաք սպիտակուցներն են։
8. Սպիտակուցները կարող ենք սառցախցիկում սառեցնել (հերմետիկ փակված ամանի մեջ), իսկ օգտագործելուց 1 օր առաջ պետք է հանենք սառցախցիկից։
9. Վանիլինի փոխարեն միշտ աշխատում ենք վանիլի էքստրակտ կամ էսենցիա օգտագործել։
10. Ձվերը սենյակային ջերմաստիճանի դարձնելու համար անհրաժեշտ է դրանք պարզապես տաք ջրով լի բաժակի մեջ ընկղմենք։
11. Կարագը սենյակային ջերմաստիճանի բերելու համար պետք է մանր-մանր կտրատենք և դնենք ափսեի մեջ։
12. Ցանկացած բաղադրատոմսում մուգ շոկոլադը կարող ենք կաթնայինով փոխարինել և հակառակը։
13. Եթե բաղադրատոմսում կարագի կողքին ոչ մի նշում չկա` միշտ օգտագործում ենք ոչ աղի սերուցքային կարագ։

Կարևոր խորհուրդներ թխվածքներ պատրաստելիս Բաղադրիչների խառնելու ընթացքը

1. Բոլոր չոր բաղադրիչները հեղուկ բաղադրիչների հետ խառնելուց առաջ թիակով մի քանի րոպե լավ խառնում ենք։
2. Շաքարավազն ու կարագը հարելիս չպետք է ծուլանանք։ Արդյունքում օդեղեն, սպիտակ զանգված պետք է ստանանք, որի համար 5-8 րոպե է պահանջվում։
3. Երբ չոր բաղադրիչները խոնավ բաղադրիչների հետ ենք խառնում, առաջինը պետք է չոր բաղադրիչները լցնենք (3 անգամ չորն ենք լցնում և 2 անգամ խոնավ բաղադրիչները)։
4. Չոր և խոնավ բաղադրիչներն իրար միացնելիս, երբ ձուն ավելացնում ենք, չպետք է չարաշահենք հարելը, պարզապես պետք է հարենք այնքան մինչև համասեռ զանգված ստանանք:
5. Շաքարավազը լցնելուց պետք է զգույշ լինել. շատ շաքարավազի դեպքում մուգ կեղև է առաջանում, իսկ քիչ շաքարավազի դեպքում կեղևը բաց գույնի է լինում, իսկ խմորը` ձիգ։
6. Պետք է ալյուրի չափաքանակը չչարաշահել. շատ ալյուրի դեպքում խմորի վերևում ճաքեր են առաջանում։
7. Խմորի մեջ գցելուց առաջ ձվի դեղնուցները լավ է բաժակում հարենք։
8. Եթե ձուն կոտրելուց կճեպը խմորի մեջ է ընկել, ապա կճեպի մյուս կեսի օգնությամբ զգուշորեն պետք է այն խմորից հանենք։
9. Եթե մեկ պտղունց աղը քաղցր խմորի մեջ գցենք, այն ավելի կուժեղացնի մյուս բաղադրիչների բույրը։
10. Խառնելիս, պետք է թեթև զանգվածը վերևից ավելացնենք` թիակով զգուշորեն շրջանաձև խառնելով, որպեսզի խմորը չնստի (սա ավելի շատ վերաբերվում է հարած սպիտակուցները ավելացնելուն)։
11. Մերենգայի համար սպիտակուցները հարելուց, պետք է նախապես թղթե անձեռոցիկի վրա կիտրոնահյութ լցնենք կամ ուղղակի քացախով բլենդերի բաժակը մաքրենք։
12. Եթե խմորի մեջ տարբեր բուրավետիչներ ենք ավելացնում, ավելի լավ է սկսել վանիլինից, քանի որ այն ուժեղացնում է այլ բուրավետիչների համը։

Կարևոր խորհուրդներ, որոնք պետք է հաշվի առնել խմորեղեն թխելիս

1. Եթե պատրաստվում ենք բազմաշերտ խմորեղեն պատրաստել, ավելի լավ է առանձին թխել ամեն շերտը,  այլ ոչ թե մեկ հատ թխել, այնուհետև մի քանի մասի բաժանել։
2. Խմորը ձևամանի մեջ լցնելուց հետո պետք է դանակով հավասարեցնենք։ Ձևամանի մեջ 1/2-2/3-ից շատ խմոր պետք չէ լցնել։
3. Թխվածքներ պատրաստելիս ավելի լավ է առաջնորդվենք մեր ջեռոցի առանձնահատկություններով և ինքներս կարգվորենք բաղադրատոմսում նշված ջերմաստիճանը։
4. Միշտ պետք է սպասենք, որ ջերմաստիճանը ջեռոցում անհրաժեշտ ջերմաստիճանի հասնի, նոր թխենք խմորեղենը։
5. Խմորով լի ձևամանը պետք է աշխատենք ջեռոցի մեջտեղի հատվածում դնել (իսկ եթե մի քանի ձևամաններով ենք թխում, որքան հնարավոր է եզրերից հեռու)։
6. Որպեսզի տորթը հավասար թխվի, 20 րոպեից (բայց ոչ շուտ) ձևամանը պտտում ենք հակառակ կողմի վրա։
7. Խմորեղենը միշտ թխում ենք ջեռոցի մեջտեղի դարակում, եթե բաղադրատոմսում հատուկ նշված չի կոնկրետ դարակը:
8. Սովորաբար, թխվածքի պատրաստ լինելը կարող ենք զգալ` խոհանոցում տարածված բույրով։
9. Եթե ուզում ենք լուցկու օգնությամբ (եթե լուցկին չոր է դուրս գալիս, ուրեմն խմորեղենը պատրաստ է) փորձել տորթը պատրաստ է, թե ոչ, պետք չէ տորթը ջեռոցից հանել։
10. Կարկանդակը ջեռոցում պետք չէ երկար թխել, դրանից այն ավելի չոր է դառնում։

Ինչպես ճիշտ սառեցնել թխվածքը և պատել կրեմով

1. Թխվածքը ջեռոցում ցանցի վրա 10 րոպե թողնում ենք, հետո` հանում ջեռոցից։
2. Քափքեյքերը պետք է անմիջապես ձևամանից հանենք, այնուհետև դնենք ցանցի վրա, որ սառչեն։
3. Կտրատելուց կամ կրեմ քսելուց առաջ սառած շերտերը անհրաժեշտ է սննդային փաթեթով փաթաթել և 30 րոպեով սառցախցիկը տեղափոխել։
4. Տորթը ձևավորելիս անհրաժեշտ է դնել տորթի չափին համապատասխան բարակ փայլաթիթեղի վրա, որպեսզի ավելի հեշտ աշխատենք։
5. Կրեմը քսելուց առաջ սիլիկոնե փուզայով անհրաժեշտ է տորթի վրայից բոլոր փշրանքները մաքրել։
6. Որպեսզի թխվածքի շերտերի միջև կրեմը հավասար չափով լցնենք, անհրաժեշտ է կլոր անցքերով հրուշակեղենային պարկերի մեջ լցնել այն, ապա զոլերով լցնել խմորի վրա:
7. Կրեմը սկզբում քսում ենք բարակ շերտով` բոլոր մասերը ֆիքսելով։ Այնուհետև սառանարանն ենք դնում և 30 րոպե հետո կրկին կրեմ քսում (կոչվում է breadcrumbs coating)։
8. Եթե տորթը կրեմով պատելու ժամանակ չունենք, կարող ենք շաքարի փոշի կամ կակաո ցանել`դրանք հրաշքներ են գործում։
9. Եթե ուզում ենք, որ տորթը ավելի փայլուն լինի`  մատուցելուց առաջ զգուշորեն ֆենով տաք օդ ենք փչում տորթի վրա։