Այսօր չկա ՊՍԺ-ից ավելի ուժեղ թիմ. Լուիս Էնրիկեն համարձակ հայտարարություն է արել «Բավարիայի» դեմ խաղից առաջ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ֆրանսիական ՊՍԺ-ի գլխավոր մարզիչ Լուիս Էնրիկեն կիսվել է Չեմպիոնների լիգայի կիսաեզրափակչի՝ Մյունխենի «Բավարիայի» դեմ կայանալիք առաջին հանդիպման սպասելիքներով:
Իսպանացի մասնագետը բարձր է գնահատել մրցակցին, սակայն վստահություն է հայտնել, որ իր գլխավորած թիմն այժմ լավագույնն է Եվրոպայում։
«Բոլոր թիմերն էլ ձգտում են մրցաշրջանի եզրափակիչ հատվածին մոտենալ լավագույն մարզավիճակում։ Մեր բոլոր ֆուտբոլիստները պատրաստ են, բացառությամբ Կենտեն Նջանտուի։ Հենց Չեմպիոնների լիգայի կախարդանքն է մոտիվացնում խաղացողներին: Մենք շատ լավ դիրքում ենք»,- մարզչի խոսքերը մեջբերում է RMC Sport-ը։
Ուժերի դասավորվածության և մրցակիցների մասին
Անդրադառնալով Չեմպիոնների լիգայի կիսաեզրափակչի մյուս մասնակիցներին՝ Էնրիկեն առանձնացրել է նաև «Արսենալին», սակայն շեշտել է փարիզյան ակումբի առավելությունը խաղային որակի հարցում․
«Սա լինելու է Եվրոպայի երկու լավագույն թիմերի հանդիպումը, թեև «Արսենալը» նույնպես անհավանական մրցաշրջան է անցկացնում։ Կայունության տեսանկյունից «Բավարիան» գուցե մի փոքր առաջ է մեզնից, քանի որ ընդամենը երկու պարտություն է կրել: Բայց եթե հաշվի առնենք մեր ցուցադրած ֆուտբոլի մակարդակը, ապա այսօր չկա ՊՍԺ-ից ավելի ուժեղ թիմ։ Ես դեռ այն ժամանակ էլ էի դա ասում, երբ մենք նույնիսկ լավագույն ութնյակ դուրս չէինք եկել», — եզրափակել է Էրիկեն։
Չեմպիոնների լիգայի կիսաեզրափակչի առաջին հանդիպումը ՊՍԺ-ի և «Բավարիայի» միջև կկայանա այսօր՝ ապրիլի 28-ին։
Հիշեցնենք նաև, որ մրցաշարի երկրորդ կիսաեզրափակչում ուժերը կչափեն Լոնդոնի «Արսենալն» ու Մադրիդի «Ատլետիկոն»։
Հետևեք մեզ՝ այստեղ
1
2
3
4
5
1
2
3
4
5
3
4
