ԵԱՏՄ-ից Հայաստանի դուրս գալու հարցում շահագրգիռ է Ադրբեջանը. Շավարշ Քոչարյան
Քաղաքականություն
ՀՀ արտաքին գործերի փոխնախարար Շավարշ Քոչարյանը մեկնաբանեց Եվրասիական տնտեսական միությունից Հայաստանի դուրս գալու` պատգամավոր Խաչատուր Քոքոբելյանի առաջարկը: Նախարարի տեղակալը նշեց, որ Հայաստանի կողմից նման քայլ անելն Ադրբեջանի նպատակն է: «Քննարկելու խնդիր է՝ ինչ է դÕ ¡ մեզ տալու, ինչ ենք մենք դրանից շահելու և կորցնելու: Դրա համար ցանկացած հարց ոտքի վրա չի լուծվում միայն այն պատճառով, որ մեր թշնամու դրդմամբ մեկն արեց սխալ քայլ, ինչից հետո ընդհանրապես խռովում՝ դուրս ենք գալիս կազմակերպությունից: Դա է մեր հակառակորդի նպատակը, իսկ մեր նպատակն այլ է»,- «Արմենպրես»-ի հաղորդմամբ՝ կառավարության նիստից հետո լրագրողների հետ զրույցում ասաց Շավարշ Քոչարյանը:
«Ազատ դեմոկրատներ» կուսակցության նախագահ, ՀՀ Ազգային ժողովի պատգամավոր Խաչատուր ՔոքոբելյաննԱզգային ժողով է ներկայացրել «Եվրասիական տնտեսական միությանը Հայաստանի Հանրապետության անդամակցության դադարեցման գործընթաց սկսելու մասին» ՀՀ ԱԺ հայտարարության նախագիծը: Դրանում պատգամավորը հիշեցրել է, որ ԼՂՀ-ի նկատմամբ Ադրբեջանի սանձազերծած ագրեսիայի օրերին ԵԱՏՄ անդամ-պետությունները հրաժարվեցին Երևանում կայանալիք Եվրասիական միջկառավարական խորհրդի նիստի մասնակցությունից, և նիստը տեղափոխվեց Մոսկվա։
1
2
3
4
5
1
2
3
1
5
