Իրանը Հայաստանին առաջարկում է դիմել մուտքի վիզաների երկկողմանի վերացմանը
Քաղաքականություն
Իրանի Իսլամական Հանրապետությունը պատրաստակամ է խթանել հյուպատոսական հարաբերությունները Հայաստանի հետ: Ինչպես հաղորդում է իրանական «Թասնիմ» գործակալությունը, այս մասին ՀՀ արտաքին գործերի նախարարության հյուպատոսական վարչության պետ Վալդիմիր Կարմիրշալյանի հետ Թեհրանում կայացած հանդիպմանը նշել է Իրանի արտաքին գործերի նախարարի՝ հյուպատոսական, խորհրդարանական եւ հայրենակցական հարցերով տեղակալ Հասան Քաշքավը:
Իրանցի դիվանագետն ընդգծել է, որ հյուպատոսական ավելի սերտ հարաբերությունները ճանապարհ կհարթեն Երևան-Թեհրան հարաբերությունների մյուս ասպեկտների ընդլայնման համար՝ ներառելով նաև տնտեսական և առևտրային ոլորտները:
Քաշքավը նաև շեշտել է իրանական ղեկավարության վճռականությունը խթանելու երկկողմ հարաբերությունները Հայաստանի հետ և խնդրել հյուպատոսական վարչութան ղեկավարին հող նախապատրաստել երկու երկրների քաղաքացիների համար մուտքի վիզայի պահանջի վերացման համար:
Կարմիրշալյանն իր հերթին իրանցի գործընկերոջն է փոխանցել Հայաստանի ղեկավարության պատրաստակամությունը՝ զարգացնելու երկկողմ համագործակցությունն Իրանի Իսլամական Հանրապետության հետ՝ իրավական, զբոսաշրջության, առևտրի, ներդրումների ոլորտներում, ինչպես նաև քաղաքացիների սպասարկման տարբեր ոլորտներում:
1
2
3
4
5
1
2
3
1
2
3
5
