Հարուստի տղա կամ ովքե՞ր են ծառայում սահմանին

Աշոտ Ասատրյանը ֆեյսբուքյան իր էջում գրում է .

Նորից պատերազմի ավարտից հետո սկսվեցին ներքին պատերազմները: Սահմանին կանգնող զինվորը անապահով ընտանիքից է: Սենց արտահայտություն անողին ցանկանում եմ հարցնել՝ եղե՞լ ես սահմանում, տեսե՞լ ես զինվորին, խոսացե՞լ ես նրա հետ: Բոլորս գիտենք մեր երկրի ծանր վիճակը: Բոլորս չարչարվելով ենք հացի փող առնում: Այս վիճակում ո՞վ է հարուստը, կամ ո՞վ անապահովը: Եկեք շարքից հանենք մի քանի հարուստներին , ում մենք դեմքերով գիտենք: Ես նույնիսկ չեմ ուզենա , որ էտ մարդկանց տղաները ծառայեն բանակում , այն էլ սահմանում: Իրանք ավելի շատ վտանգավոր են մեր հասարակ տղերքի համար , քան թշնամին: Սահմանում ծառայող ընկերներ ունեմ: Սովորական ընտանիքից են: Հայրը , մայրը աշխատում են , նորմալ ապրում են , տուն ունեն , կարողանում են ապահովել իրենց երեխաներին, բայց տղան ծառայում է սահմանում: Հիմա այդ իմ ծանոթներն էլ ե՞ն անապահով ընտանիքից: Քանի՞ զոհված զինվորի տուն եք գնացել անձամբ: Առանց նկարած կադրեր նայելու , հելել և գնացել եք: Վստահ եմ , որ ոչ մի : Նայում եք մեկի կամ երկուսի տան նկարը ու վերջ, բողոքը ու պիտակը պատրաստ է ՝ անապահով ընտանիքի զավակ: Չեմ վիճում , կան մարդիկ , որ իրոք ծանր պայմաններում են ապրում , բայց կան նաև բանակից ազատված անապահով ընտանիքների զավակներ, որ իրոք խնդիր են ունեցել ու չեն գնացել բանակ: Պետք չի բոլորին պիտակավորել առանց տեսնելու ու խոսելու: Ախր ձեզանից շատերը սկի զորամասի պատից ներս չեն եղել , չեն տեսել երեկոյան քնած զինվոր, չեն տեսել ճաշարանում իրար հաց լցնող, հիվանդի բաժինը առանձնացնող, մի ցելաֆոն տուլիկը 50 հոգով ուտող զինվոր: Էլ ո՞նց եք բոլորին դնում մի պիտակի տակ: Ե՞րբ եք հասկանալու , որ էտ ձեր գրածները կարդում են նաև զինվորները:

Խոսեք կոնկրետ անուններով, մեր երկրում 5 հոգի հարուստ մարդ լինի , թե չլինի : Գրեք անունները , կոնկրետ հարցը իրանց տվեք, մի լղոզեք ամեն ինչ , որ հետո հնարավոր լինի տակից դուրս գալ: Նորից եմ կրկնում այդ 5 հարուստ մարդու տղաները պետք չեն բանակին , նրանք ավելի շատ վնաս կտան: