Լապորտան իր դժգոհությունն է հայտնել «Ատլետիկոյի» դեմ խաղում մրցավարական անձնակազմի կայացրած որոշումների վերաբերյալ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Բարսելոնայի» նախագահ Ժոան Լապորտան իր դժգոհությունն է հայտնել Մադրիդի «Ատլետիկոյի» դեմ Չեմպիոնների լիգայի խաղարկության քառորդ եզրափակիչի հանդիպումներում մրցավարական անձնակազմի կայացրած որոշումների վերաբերյալ՝ նշելով այն չորս դրվագները, որոնք, նրա կարծիքով, կանխորոշեցին դիմակայության ելքը։

«Առաջին խաղում մեր օգտին ակնհայտ 11 մետրանոց չնշանակվեց, և մենք կարմիր քարտ ստացանք, թեև իրականում Պաու Կուբարսիի նկատմամբ կանոնների խախտման համար հենց մրցակիցը պետք է հեռացվեր դաշտից։ Իսկ երեկ երեկոյան Էրիկ Գարսիային ցույց տրված կարմիր քարտը պարզապես սխալ էր. Կունդեն հետևում էր և պատրաստ էր խլել գնդակը, ուստի Գարսիան վերջին հույսի խաղացողը չէր: Բացի այդ, Ֆերան Տորեսի երկրորդ գոլը չեղարկելու որոշումն անարդարացի էր, իսկ Դանի Օլմոյի նկատմամբ խախտումը պետք է պատժվեր 11 մետրանոցով», — Լապորտայի խոսքերն է մեջբերում Ֆաբրիցիո Ռոմանոն։

Հիշեցնենք, որ այս թիմերի միջև կայացած առաջին հանդիպումը, որն կայացել էր Բարսելոնայում, ավարտվել էր մադրիդյան ակումբի հաղթանակով՝ 2-0 հաշվով։ Պատասխան խաղում կատալոնական ակումբը հյուրընկալվելիս առավելության հասավ 2-1 հաշվով, սակայն երկու հանդիպումների ընդհանուր արդյունքով Չեմպիոնների լիգայի կիսաեզրափակիչի ուղեգիր նվաճեց «Ատլետիկոն»։

Հետևեք մեզ՝ այստեղ