Լևոնը պետք է կենտրոնանա hզnր Պապ լինելու վրա, այլ ոչ թե քաղաքական գործչի. Թրամփ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Լևոնը պետք է կենտրոնանա հզոր Պապ լինելու վրա, այլ ոչ թե քաղաքական գործչի: Այս մասին Truthsocial-ի էջում գրել է ԱՄՆ նախագահ Դոնալդ Թրամփը:
Թրամփը պնդում է, որ Լևոն XIV-ը նշանակվեց Հռոմի Պապ միայն այն պատճառով, որ նա ամերիկացի էր, և, եթե նա չլիներ Սպիտակ տանը, Լևոնը չէր լինի Վատիկանում:
«Լևոնը պետք է շնորհակալ լինի, որովհետև, ինչպես բոլորը գիտեն, նրա Պապ ընտրվելը շոկային անակնկալ էր։ Նա Պապ դառնալու ոչ մի ցուցակում չկար և Եկեղեցու կողմից այնտեղ նշանակվեց միայն այն պատճառով, որ նա ամերիկացի էր, և նրանք կարծում էին, որ դա կլինի Դոնալդ Թրամփի հետ հարաբերվելու լավագույն միջոցը։ Եթե ես չլինեի Սպիտակ տանը, Լևոնը չէր լինի Վատիկանում»,- գրել է Թրամփը:
Թրամփը նաև իր դժգոհությունն է հայտնել Պապի դիրքորոշումների վերաբերյալ՝ կապված Իրանի և Վենեսուելայի հետ:
«Ես չեմ ուզում մի Պապ, ով կարծում է, թե նորմալ է, որ Իրանը միջուկային զենք ունենա։ Ես չեմ ուզում մի Պապ, ով կարծում է, թե սարսափելի է, որ Ամերիկան հարձակվել է Վենեսուելայի վրա՝ մի երկրի, որը հսկայական քանակությամբ թմրանյութեր էր ուղարկում Միացյալ Նահանգներ և, որ ավելի վատ է, դատարկում էր իր բանտերը՝ ներառյալ մարդասպաններին, թմրավաճառներին և մարդակերներին, մեր երկրի մեջ։ Եվ ես չեմ ուզում մի Պապ, ով քննադատում է Միացյալ Նահանգների նախագահին, որովհետև ես անում եմ հենց այն, ինչի համար ընտրվել եմ հաղթանակով՝ սահմանելով հանցավորության ռեկորդային ցածր ցուցանիշներ և ստեղծելով պատմության մեջ ամենահզոր ֆոնդային բորսան»,- գրել է Թրամփը:
«Լևոնը որպես Պապ պետք է իրեն հավաքի, օգտագործի ողջախոհությունը, դադարի հաճոյանալ ռադիկալ ձախերին և կենտրոնանա հզոր Պապ լինելու վրա, այլ ոչ թե քաղաքական գործչի։ Դա նրան շատ է վնասում, և որ ավելի կարևոր է, վնասում է Կաթոլիկ եկեղեցուն»,- եզրափակել է Թրամփը:
Հետևեք մեզ՝ այստեղ
1
2
3
4
5
1
2
3
4
5
3
4
