Իրանը հայտարարել է, որ կարող է լուրջ դաս տալ ԱՄՆ-ին և փոխհատուցում է պահանջել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին                     

Իրանը 1979 թվականի Իսլամական հեղափոխությունից ի վեր ցույց է տալիս, որ չի զիջի ռազմական, տնտեսական կամ քաղաքական ճնշումներին։ Այս մասին հայտարարել է Իրանի խորհրդարանի խոսնակ, ԱՄՆ-ի հետ բանակցություններում իրանական պատվիրակության ղեկավար Մոհամադ Բաղեր Ղալիբաֆը, հայտնում է Press TV-ն:

Դիմելով Թրամփին՝ նա հայտարարել է. «Եթե դուք պատերազմ սկսեք, մենք կկռվենք ձեր դեմ, իսկ եթե ներկայացնեք տրամաբանական փաստարկներ, մենք կգործենք տրամաբանորեն։ Մենք չենք խոնարհվի որևէ սպառնալիքի առաջ։ Եթե դուք ևս մեկ անգամ փորձեք մեր վճռականությունը, մենք ձեզ ավելի լուրջ դաս կտանք»։

Ղալիբաֆը կրկին ընդգծել է, որ Միացյալ Նահանգները կարող են «ելք» գտնել միայն այն դեպքում, եթե որոշեն վերականգնել վստահությունը Իրանի նկատմամբ՝ հայտարարելով, որ Վաշինգտոնը «պարտք է» իրանցի ժողովրդին և պետք է փորձի ուղղել անցյալի իր սխալները։

Բանակցությունները եղել են «ինտենսիվ, լուրջ և բարդ»,- նշել է նա՝ հավելելով, որ իրանցի բանակցողները, որպես բարի կամքի դրսևորում, մի շարք նախաձեռնություններ են ներկայացրել։

Սակայն Ղալիբաֆն ընդունել է, որ ամերիկացիների հետ վստահության հաստատումը «բարդ և տևական խնդիր» է լինելու։

Ըստ նրա, Վաշինգտոնը պետք է քայլեր ձեռնարկի վստահությունը վերականգնելու համար. նա հավելել է, որ Իսլամաբադում բանակցությունների վերջին փուլի ընթացքում իրանցի բանակցողները նման ջանքերի գրեթե ոչ մի նշան չեն տեսել։

Իր հերթին Իրանի առաջին փոխնախագահ Մոհամադ Ռեզա Արեֆը հայտարարել է, որ Թեհրանը հաստատակամորեն պաշտպանելու է ազգային իրավունքները՝ սկսած Հորմուզի նեղուցից մինչև երկրի դեմ ամերիկա-իսրայելական պատերազմի պատճառած վնասի փոխհատուցման պահանջը։

Հետևեք մեզ՝ այստեղ