Այսօր սահմանին կռիվ տվող զինվորները հենց այն նույն երեխեքն են, ովքեր ծնվեցին 90-ականների պատերազամական և հետպատերազմական տարիներին. Սամվել Գրիգորյան

Life.panorama.am-ը գրում է .

Թեպետ ղարաբաղա-ադրբեջանական սահմանագծում վերջին օրերին հարաբերական խաղաղ է, բայց անհանգստությունը շարունակվում է: Անհանգստություն, որի մեջ կա նաեւ շատ խորը հավատ ու վստահություն՝ մենք ունենք քաջ, անհաղթ զինվորներ, մենք ունենք նմանը չունեցող պաշտպաններ, որոնք կյանքի գնով պահեցին ոչ միայն սահամանը, այլեւ ողջ հայ ժողովրդի անդորրը:

Շոումեն, հաղորդավար Սամվել Գրգորյանը, ում որդին եւս ժամկետային զինծառայող է, հայ զինվորի անկոտրում կամքն ու տեսակը վերագրում է ոչ միայն հայի գենետիկ կոդին, այլեւ նրանց ծննդյան տարեթվերին.

«Այսօր սահմանին կռիվ տվող զինվորները հենց այն նույն երեխեքն են, ովքեր ծնվեցին 90-ականների պատերազամական եւ հետպատերազմական տարիներին, նրանք մեր անկախության ծնունդներն են ու ես չեմ զարմանում, որ նրանց մեջ այդքան ուժեղ ու զորեղ է հայրենիքի հանդեպ սերը, չէ որ նրանք դեռ իրենց մայրերի կրծքի տակ են զգացել հայրենիքի արժեքը, նրանք իրենց ծնված օրից են տեսել, թե ինչ է նշանակում սիրել ու փայփայել հայրենիքը, ինչ է նշանակում պայքարել ու կռիվ տալ հանուն հայրենիքի: Չէ որ տարիներ առաջ էլ նրանց ծնողներն են կռիվ տվել ու պաշտպանել մեր հայրենիքը»,-Life.panorama.am-ի հետ զրույցում նշեց Սամվել Գրիգորյանը:

Շոումենի խոսքով՝ մի քանի օրվա լարված իրավիճակից հետո իրենց տանն էլ հարաբերական անդորր է.

«Ի ուրախություն ողջ հայ ազգիս ՝ անհանգստությունը կարծես թե հետեւում է մնացել, հուսանք այլեւս նման լարված իրավիճակում չենք հայտնվի եւ անդառնալի կորուստներ չենք ունենա: Փառք Աստծո, որդուս հետ խոսել եմ, ամեն ինչ նորմալ է: Վստահ եմ, որ մեր բոլոր զինվորներն են իրենց լավ զգում, քանի որ մեր պահանջն արդար է ու որքան էլ միջազգային հանրությունը իր թույլ օգնությունն է ցուցաբերում, բայց արդարությունը միշտ էլ հաղթում է: Համոզված եմ, որ շատ շուտով աշխարհը կվերանայի իր հայացքը Լեռնային Ղարաբաղի նկատմամբ ու ամեն ինչ կտանի դեպի արդար հաղթանակը»,- նշեց նա ու հավելեց, որ որդին ութ ամսից կավարտի ծառայությունն ու տուն կվերդառնա:

Որպես զինվորի ծնող՝ Սամվել Գրիգորյանը նկատեց.

Շարունակությունը՝ այստեղ :