Ուկրաինացի զինծառայnղները Մերձավոր Արևելքում խnցել են իրանական «Շաhեդ»-ներ. Զելենսկի

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ուկրաինացի զինծառայողները Մերձավոր Արևելքում խոցել են իրանական «Շահեդ» անօդաչու թռչող սարքեր։ Այս մասին X-ում գրել է Ուկրաինայի նախագահ Վլադիմիր Զելենսկին։

«Մենք Մերձավոր Արևելք ենք ուղարկել մեր ռազմական փորձագետներին, այդ թվում՝ որսիչ անօդաչու թռչող սարքերի և ռադիոէլեկտրոնային պատերազմի մասնագետների։ Որոշ երկրների ցուցադրել ենք, թե ինչպես է պետք աշխատել որսիչների հետ։ Արդյո՞ք մենք ոչնչացրել ենք իրանական «Շահեդներ»։ Այո՛, ոչնչացրել ենք։ Արդյո՞ք դա արել ենք միայն մեկ երկրում։ Ո՛չ, մի քանիսում։ Եվ իմ կարծիքով՝ սա հաջողություն է»,- նշել է Զելենսկին։

Նախագահը շեշտել է, որ սա ոչ թե սովորական ուսումնական առաքելություն էր, այլ գործնական աջակցություն իրական պաշտպանական համակարգերի հզորացման համար։

«Այն երկրներում, որոնք մեզ համար բացեցին իրենց ՀՕՊ համակարգերը, մեր փորձագետները կարողացան շատ արագ խորհուրդներ տալ, թե ինչպես դրանք ավելի հզոր դարձնել»,- ասել է նախագահը։

Զելենսկին նաև տեղեկացրել է, որ խոցվել են ռեակտիվ շարժիչներով անօդաչու սարքեր, ինչը կարևոր ազդակ է ռազմական արդյունաբերության համար: Նա հավելել է, որ Ուկրաինան շուտով կսկսի նմանատիպ դրոններ ոչնչացնող որսիչների զանգվածային արտադրությունը:

«Այս ամենն ունեցել է շատ դրական արդյունք և հարգանք է առաջացնում Ուկրաինայի նկատմամբ»,- եզրափակել է նա։

Հետևեք մեզ՝ այստեղ