Հարբած հաշմանդամ վարորդը տոնական շքերթի ժամանակ մխրճվել է ամբոխի մեջ. կա առնվազն 13 վիրավոր

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին                     

ԱՄՆ Լուիզիանա նահանգում լաոսական Նոր տարվա առթիվ շքերթի ժամանակ հաշմանդամություն ունեցող վարորդը վրաերթի է ենթարկել տոնող մարդկանց, ինչի հետևանքով առնվազն 13 մարդ հոսպիտալացվել է. հայտնում է NBC News-ը։

Միջադեպը տեղի է ունեցել շաբաթ օրը ցերեկը Բրուսարդ քաղաքում, NBC News-ին հայտնել են Իբերիա շրջանի շերիֆի գրասենյակից:

57-ամյա վարորդը ձերբակալվել է:

Acadian Ambulance շտապօգնության ծառայությունը երկուշաբթի հայտնել է, որ 11 վիրավոր տեղափոխվել է ցամաքային տրանսպորտով, իսկ երկուսը՝ օդային: Լուիզիանայի նահանգի ոստիկանությունը պարզել է վարորդի ինքնությունը. նա Ջաներեթ քաղաքի բնակիչ Թոդ Լենդրին է։

Լենդրիի մոտ հայտնաբերվել են «առողջական վիճակի վատթարացման նշաններ», իսկ ալկոհոլի թեստը ցույց է տվել, որ նրա արյան մեջ ալկոհոլի մակարդակը կազմել է 0,137%: Լուիզիանայում թույլատրելի մակարդակը 0,08% է:

Ըստ նահանգի ոստիկանության՝ նա տեղափոխվել է Իբերիա շրջանի բանտ՝ ոչ սթափ վիճակում վարելու, առաջին աստիճանի անզգուշությամբ մարմնական վնասվածք հասցնելու 18 դեպքի, զենքի հետ անզգույշ վարվելու և մեքենայում ալկոհոլի բաց տարայի առկայության համար:

Հետևեք մեզ՝ այստեղ