Անչափահաս աղջիկներ են կորում ՀՀ-ում, ապա 1–2 օր անց հայտնաբերվում․ ո՞րն է պատճառը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Վերջին մեկ տարվա ընթացքում MediaHub-ն արձանագրել է, որ գրեթե ամեն ամիս լրատվական դաշտում հաղորդվում է անչափահաս ինչ-որ աղջնակի անհետ կորելու մասին, որոնց մեծ մասն, ի դեպ, 1–2 օր անց հայտնաբերվում է։

MediaHub-ը գրավոր հարցում էր ուղղել ՆԳՆ՝ հասկանալու, թե 2025 թվականին քանի՞ անչափահաս է հայտարարվել անհետ կորած, նրանցից քանի՞սն են հայտնաբերվել, և կա՞ն արդյոք դեռևս չհայտնաբերված դեպքեր։

«2025թ. ընթացքում, ըստ ՀՀ ՆԳՆ 112 օպերատիվ կառավարման կենտրոնի, ստացվել է անչափահասների անհետ կորելու վերաբերյալ 70 օպերատիվ հաղորդագրություն, որոնցից 28-ի դեպքում անչափահասները եղել են արական, իսկ 42-ի դեպքում՝ իգական սեռի ներկայացուցիչներ»,- MediaHub-ին հայտնեցին ՆԳՆ-ից։

ՆԳՆ-ից մեզ տրամադրել են նաև անհետ կորած անչափահասների սեռատարիքային կազմը։ Այսպես,
-0-5 տարեկան՝ 2, որից 1 արական, 1 իգական,
-6-10 տարեկան՝ 3, որից 2 արական, 1 իգական,
-11-15 տարեկան՝ 28, որից 13 արական, 15 իգական,
-15-18 տարեկան՝ 37, որից 12 արական, 25 իգական:

Մեզ հետ զրույցում ՆԳՆ-ից հայտնեցին նաև, որ արձանագրված բոլոր դեպքերով անչափահասները հայտնաբերվել են, սակայն, 1 դեպքով Մարմարիկ գետից հայտնաբերվել է անչափահասի դին:

«Ըստ ՀՀ ՆԳՆ հանցավորության վիճակագրության և հետազոտական կենտրոնի՝ ՀՀ ՆԳՆ ոստիկանության կողմից հետախուզվող անհետ կորած անչափահասների շարժի վերաբերյալ 2025 թվականի արդյունքներով որպես անհետ կորած հետախուզվել է 3 անչափահաս՝ իգական սեռի 1 (ծնված` 2008թ., հայտնաբերվել է) և արական սեռի 2 անձինք (ծնված՝ 2000թ., 2004թ., փոխանցվել են նախորդ տարիներից և դեռևս չեն հայտնաբերվել)»,- նշեցին ՆԳՆ-ից։

Հետևեք մեզ՝ այստեղ