Որոնք են 2025-ի ամենասիրված մանկական անունները Հայաստանում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին                     

2025 թվականի հունվար–դեկտեմբեր ամիսներին ծնված աղջիկ երեխաներին ամենից հաճախ անվանել են Նարե, իսկ տղաներին՝ Դավիթ։ Այս մասին տեղեկանում է ՀՀ վիճակագրական կոմիտեի հրապարակած տվյալներից։

Նարե անվանված երեխաները եղել են 574-ը, իսկ Դավիթ անվանված երեխաները՝ 1113-ը։

Տասնյակի երկրորդ հորիզոնականում Արփի անունն է․ 506 երեխա է այսպես անվանվել։ Տղաների պարագայում երկրորդ հորիզոնականում Նարեկ անունն է․ Նարեկ է անվանվել 704 երեխա։

Երրորդ տեղում Լուսե անունն է․ այսպես են կոչվել 504 փոքրիկներ, իսկ տղաների պարագայում երրորդ հորիզոնականում Հայկ անունն է․ այս անվամբ են կոչվել 608 փոքրիկներ։

Չորրորդ տեղում Մարիա և Ռոբերտ անուններն են։ Համապատասխանաբար այդ անվանումներով են կոչվել 484 աղջիկ և 569 տղա։

Հինգերորդ տեղում Անգելինա անունն է․ այսպես է անվանվել 425 նորածին, իսկ տղաների պարագայում Միքայել անունն է․ այսպես են անվանել 552 նորածնի։

Մյուս հնգյակում են Եվա, Մանե, Ամելի, Մարի և Մարիամ անունները․ այդպես են անվանվել համապատասխանաբար 316, 302, 289, 286 և 262 նորածիններ։

Տղաների պարագայում այս հնգյակում են Տիգրան, Մարկ, Արեգ, Լեո և Մոնթե անունները․ այդպես են անվանվել համապատասխանաբար 509, 467, 465, 462 և 454 նորածիններ։

Ավելի քիչ հանդիպող անուններն են՝ Սուսաննա, Մայա, Գաբրիելա, Միա, Արմինե, Գրիգոր, Մաքս, Վահագն, Առնո և Հարություն։

Հետևեք մեզ՝ այստեղ