Ճապոնիան Հորմուզի նեղուցում անվտանգnւթյան ապահnվման պարտավորություններ չի ստանձնել. նախարարների կաբինետի գլխավոր քարտուղար
ՔաղաքականությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ճապոնիայի վարչապետ Սանաե Տակաիտին ԱՄՆ նախագահ Դոնալդ Թրամփի հետ գագաթնաժողովի ժամանակ պարտավորություն չի ստանձնել մասնակցել Հորմուզի նեղուցում նավագնացության անվտանգության ապահովմանը՝ սահմանափակվելով երկրի օրենսդրության շրջանակներում առկա հնարավորությունների վերաբերյալ պարզաբանումներով. այս մասին հայտարարել է նախարարների կաբինետի գլխավոր քարտուղար Յոշիմասա Կիհարան, հաղորդում է ՌԻԱ Նովոստի-ն:
«ԱՄՆ-ի կողմից հարցում է եղել Հորմուզի նեղուցում անվտանգության ապահովման գործում ներդրում ունենալու վերաբերյալ: Ի պատասխան՝ ճապոնական կողմը բացատրել է, որ այս տարածաշրջանում անվտանգությունը չափազանց կարևոր է էներգակիրների կայուն մատակարարման տեսանկյունից, և մանրամասն պարզաբանել է, թե ինչ կարող է և ինչ չի կարող անել Ճապոնիան իր օրենսդրության շրջանակներում»,- մամուլի ասուլիսի ժամանակ ասել է Կիհարան: Նա ընդգծել է, որ դրանով քննարկումն ավարտվել է, և Ճապոնիան որևէ լրացուցիչ պարտավորություն չի ստանձնել:
«Տրվել է մանրամասն պարզաբանում, և վերջ: Դրանից դուրս որևէ բան չի եղել»,- հավելել է գլխավոր քարտուղարը:
Անցյալ շաբաթ ԱՄՆ ֆինանսների նախարար Սքոթ Բեսենթը հայտարարել էր, որ Ճապոնիան, որն ավելի քան 90%-ով կախված է Մերձավոր Արևելքից նավթի մատակարարումներից, պետք է խիստ շահագրգռված լինի Հորմուզի նեղուցով իր համար նավթ տեղափոխող տանկերների անվտանգ անցմամբ:
Իր հերթին, Ճապոնիայի ԱԳ նախարար Տոսիմիցու Մոտեգին Fuji TV հեռուստաալիքի եթերում հայտարարել է, որ Տոկիոն կարող է դիտարկել մասնակցությունը Հորմուզի նեղուցի շրջանում ականազերծման աշխատանքներին՝ ռազմական գործողությունների դադարեցման դեպքում:
Հետևեք մեզ՝ այստեղ
1
2
3
4
5
1
2
3
4
5
1
2
3
4
5
