Ղարաբաղյան կարգավորման մեջ Ռուսաստանի ներդրումն արդյունավետ է.ԵԱՀԿ գլխավոր քարտուղար

Ղարաբաղյան կարգավորման մեջ Ռուսաստանի ներդրումն արդյունքներ կբերի եւ պայմաններ կստեղծի բանակցությունների նոր փուլի համար, որոնք նախկիններից ավելի կառուցողական կլինեն:

Այս մասին, ինչպես հաղորդում է«Արմենպրես»-ը, «ՌԻԱ Նովոստի»-ի հետ զրույցում հայտարարել է ԵԱՀԿ գլխավորքարտուղար Լամբերտո Զանյերը` նշելով, որ ՌԴ ներդորումը ԼՂ հակամարտության կարգավորման գործում շատ արդյունավետ է:

«Ռուսաստանյան մասնակցությունը ներկա պահին շատ արդյունավետ է: Եւ ես կարծում եմ, որ այն արդյունքներ կբերի եւ պայմաններ կստեղծի բանակցությունների նոր փուլի համար, որոնք նախկիններից ավելի կառուցողական կլինեն», -ասել է նա` մեկնաբանելով ՌԴ վարչապետ Դմիտրի Մեդվեդեւի եւ արտգործնախարար Սերգեյ Լավրովի՝ տարածաշրջան կատարած այցերը:

Նրա խոսքով` խոսքը գնում է «վստահության ամրապնդման գծով միջոցառումների շինարարության, նոր գաղափարների մասին, որոնք ի հայտ են գալիս»:

«Հուսով եմ, որ այդ ամենը կգումարվի եւ կօգնի մեզ ներկայիս իրավիճակից վերադառնալ բանակցային սեղանին», -հավելել է նա:

ԵԱՀԿ գլխավոր քարտուղարը նաեւ հայտնել է, որ Ղարաբաղի գծով հատուկ նիստը տեղի կունենա Մինսկի խմբի համանախագահների՝ տարածաշրջանից վերադառձից հետո` նշելով, որ ԵԱՀԿ Մինսկի համանախագահները տարածաշրջանում կմնան մի քանի շաբաթ:

«Համանախագահներն այժմ տարածաշրջանում են, եւ նրանք այնտեղ կման որքան անհրաժեշտ է, որպեսզի որոշեն հետագա քայլերը եւ նայեն, թե ինչ է պետք անել: Հետո նրանք պետք է այդ բոլորի մասին զեկուցեն նախագահին: Այնպես որ, ես կարծում եմ, որ նրանք կմեկնեն Բեռլին, իսկ հետո` ինքները կորոշեն, երբ ժամանեն Վիեննա», -ասել է նա: