Ֆլիկը մեկնաբանել է «Նյուքասլի» դեմ տարած հաղթանակը և նշել, թե ինչ է ընդմիջմանը ասել խաղացողներին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Բարսելոնայի» գլխավոր մարզիչ Հանս-Դիտեր Ֆլիկը կիսվել է Չեմպիոնների լիգայի 1/8 եզրափակչի պատասխան խաղում անգլիական «Նյուքասլի» նկատմամբ տարած ջախջախիչ հաղթանակի (7-2) տպավորություններով։ Երկու խաղերի արդյունքում կատալոնական ակումբը հաղթել է 8-3 ընդհանուր հաշվով։

«Առաջին խաղակեսը շատ բարդ ստացվեց. մենք վատ էինք խաղում: Բարեբախտաբար, կարողացանք իրացնել այդ 11 մետրանոցը: Ընդմիջմանը խաղացողներին խնդրեցի ավելի շատ վերահսկել խաղը և ճնշում գործադրել: Երախտապարտ եմ թիմին. շատ հաճելի է, երբ ֆուտբոլիստները հետևում են ծրագրին, ինչպես եղավ երկրորդ խաղակեսում: Միջազգային դադարից հետո վնասվածք ունեցող ֆուտբոլիստները կվերադառնան, և մենք պետք է բարելավենք խաղը պաշտպանությունում»,- Ֆլիկի խոսքերն է մեջբերում Barca Universal-ը:

Գերմանացի մասնագետն առանձնահատուկ անդրադարձել է Ռոբերտ Լևանդովսկու ելույթին: 37-ամյա լեհ հարձակվողն աչքի է ընկել 56-րդ և 61-րդ րոպեներին, ինչից հետո նրան փոխարինել է Ֆերան Տորեսը:

«Դուք ասում էիք, որ Լևանդովսկիի՝ կարիերան ավարտելու ժամանակն է, այնպես չէ՞: Այս խաղում նա երկու գոլ խփեց Չեմպիոնների լիգայում: Այնքան հաճելի էր դրան հետևելը, ինձ հատկապես ուրախացրեց նրա առաջին գոլը: Ռոբերտը մնում է լավագույն հարձակվողներից մեկը»,- եզրափակեց Ֆլիկը:

Հատկանշական է, որ Լևանդովսկին դարձել է Չեմպիոնների լիգայի պատմության մեջ դուբլի հեղինակ դարձած ամենատարեց ֆուտբոլիստը՝ գերազանցելով Ֆիլիպո Ինձագիի՝ 16 տարվա վաղեմության ռեկորդը:

Հավելենք, որ Չեմպիոնների լիգայի քառորդ եզրափակչում «Բարսելոնան» ուժերն է չափելու Մադրիդի «Ատլետիկոյի» հետ:

Հետևեք մեզ՝ այստեղ