Արեգ Միրիջանյանի «Անդեմ խաղ» անհատական ցուցահանդեսը, որտեղ մարդիկ կորցնում են իրենց ինքնությունը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին                     

Հենրիկ Իգիթյանի անվան գեղագիտության ազգային կենտրոնում տեղի ունեցավ գեղանկարիչ, բեմանկարիչ  Արեգ Միրիջանյանի անհատական ցուցահանդեսը։

«Անդեմ խաղ» (Face Less Game) ցուցահանդեսի գլխավոր թեման անհատականության կորստի մասին է մի դարաշրջանում, երբ համընդհանրությունն ու ստանդարտացումը դառնում են նորմա, մարդիկ ավելի և ավելի են կորցնում իրենց դեմքը՝ եզակիության և ներքին ամբողջականության խորհրդանիշը:

«Անդեմ խաղ» ցուցահանդեսը ժամանակակից մարդկային վիճակի մանրակրկիտ վերլուծությունն է, որտեղ մարդիկ կորցնում են իրենց ինքնությունը սոցիալական կառուցվածքների և տեխնոլոգիական վերափոխումների ճնշման տակ: Ցուցահանդեսի պրոդյուսերները Գայանե Թադևոսյանը և  Էլմիրա Սոլոյանն են։ 

Գեղանկարչի աշխատանքները բազմաժանր են, որտեղ ևս արծարծվում է մարդու՝ մայր բնությունից հեռանալու ցավագին փաստը, նրա աշխատանքներում անսահման կարոտ կա դեպի հայրենյաց վայրի ու խրոխտ լեռներ, որտեղ ամեն մի ծառն ու թուփը սպեղանի են անդեմության սարսափելի շրջապտույտի մեջ։

Բացման արարողությունը վստահված էր գրող, հաղորդավար Ավետ Բարսեղյանին։ Գեղանկարչի կտավների  մասին խոսեց նաև արվեստաբան, արվեստագիտության թեկնածու, դոցենտ, Հայաստանի Ազգային պատկերասրահի գիտահետազոտական աշխատանքների գծով տնօրենի տեղակալ՝ Սամվել Հովհաննիսյանը։ Միջոցառմանը ելույթ ունեցան  «Ուրու» ռոք բենդը, Երևանի թատրոնի և կինոյի պետական ինստիտուտի «Պարարվեստ» բաժնի ուսանողները՝ պարային էքսպերիմենտով։

Ցուցահանդեսի ֆինիսաժի հատուկ հյուրն էր Պետեր Կարպը, ով  40 տարի մասնագիտական ​​գործունեություն է ծավալել գերմանական թատերական համակարգում, այդ թվում՝ 25 տարի որպես տարբեր հաստատությունների գեղարվեստական ​​ղեկավար։ 

Հետևեք մեզ՝ այստեղ