Նա ֆուտբոլի պատմության բոլոր ժամանակների լավագույն մարզիչն է. Գվարդիոլա

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին                     

«Մանչեսթեր Սիթիի» գլխավոր մարզիչ Պեպ Գվարդիոլան առանձնացրել է ֆուտբոլի պատմության լավագույն երեք մարզիչներին, գրում է armsport.am-ը:

Իսպանացի մասնագետն իր կազմած լավագույնների ցուցակի առաջին հորիզոնականը հատկացրել է «Մանչեսթեր Յունայթեդի» լեգենդար գլխավոր մարզիչ սըր Ալեքս Ֆերգյուսոնին։

«Սըր Ալեքսն առաջին համարն է՝ իր կայունության, նվաճած տիտղոսների քանակի և այն բանի շնորհիվ, թե ինչպես էր նա տարիներ շարունակ վերակառուցում թիմը։ Սակին այնքան տիտղոսներ չի նվաճել, որքան սըր Ալեքսը, բայց նա փոխեց մարզիչների ու խաղացողների մի ամբողջ սերունդ։ Այդ իսկ պատճառով Ֆերգյուսոնն առաջինն է, ապա հաջորդում են Կրոյֆն ու Սակին»,- իսպանացի մասնագետի խոսքերն է մեջբերում GiveMeSport-ը։

Հիշեցնենք, որ Խոսեպ Գվարդիոլան «Մանչեսթեր Սիթիի» ղեկը ստանձնել է 2016 թվականի ամռանը։ Իր պաշտոնավարման ընթացքում նա մանչեսթերյան ակումբի հետ հասել է պատմական հաջողությունների՝ նվաճելով հնարավոր բոլոր տիտղոսները։

Նրա գլխավորությամբ «քաղաքայինները» վեց անգամ հռչակվել են Անգլիայի Պրեմիեր լիգայի չեմպիոն, նվաճել են երկրի գավաթները, ինչպես նաև Ակումբային աշխարհի առաջնության ու ՈՒԵՖԱ-ի Սուպերգավաթի տիտղոսները։ Իսկ 2022/23 մրցաշրջանում Գվարդիոլայի թիմը գրանցել է բացարձակ արդյունք (թրեբլ)՝ մեկ մրցաշրջանում հաղթելով Պրեմիեր լիգայում, Անգլիայի գավաթի խաղարկությունում և պատմության մեջ առաջին անգամ նվաճելով Չեմպիոնների լիգայի գավաթը:

Հետևեք մեզ՝ այստեղ