Սիրիայի խնդրով ՄԱԿ-ի հանձնակատարը Ժնեւում բանակցությունների նոր փուլը կսկսի ապրիլի 11-ին

Սիրիայի հիմնախնդրով ՄԱԿ-ի գլխավոր քարտուղարի հատուկ դեսպանորդ Ստաֆան դե Միստուրան ծրագրում Է Ժնեւում միջսիրիական բանակցությունները վերսկսել ապրիլի 11-ին, ինչպես Է եւ պլանավորված Էր: Ինչպես տեղեկացնում Է «Արմենպրես»-ը, ապրիլի 5-ին Ժնեւում կայացած ճեպազրույցում այս մասին հայտարարել Է Ժնևում ՄԱԿ-ի Եվրոպայի բաժանմունքի մամուլի քարտուղար Ահմադ Ֆաուզին:  

«Ստաֆան դե Միստուրան շարունակում Է իր կոնսուլտացիաները: Նա մտադիր Է Սիրիայի շուրջը բանակցությունները վերսկսել, ինչպես եւ պլանավորվել Էր, ապրիլի 11-ին: Դա կլինի միջսիրիական բանակցությունների երկրորդ փուլը»,- նշել Է նա:

Պատասխանելով այն հարցին, թե երբ Է սպասվում Սիրիայի կառավարության պատվիրակության ժամանումը Ժնեւ, Ֆաուզին ասել Է. «Չեմ կարծում, թե մենք ունենք ժամանման հաստատված ժամկետը, բայց, որքան գիտեմ՝ անցյալ հանդիպման ժամանակ նրանք հայտնել Էին, որ այստեղ կլինեն ապրիլի 14-ից»: Նա հիշեցրել Է, որ բանակցությունները, որոնք վարում Է դե Միստուրան,  ուղղակի չեն, եւ հատուկ դեսպանորդը «դրանք կսկսի նրանց հետ, ովքեր կլինեն Ժնեւում»:   

«Մենք սպասում ենք, որ (սիրիական) ընդդիմությունն այստեղ կլինի ապրիլի 10-ին, եւ հատուկ դեսպանորդի հետ հանդիպումները կսկսի ապրիլի 11-ին»,- պարզաբանել Է Ֆաուզին:

«Սպասվում Է, որ նա ապրիլի 11-ին կսկսի բանակցություններն ընդդիմության Բանակցությունների բարձրագույն կոմիտեի հետ»,- նշել Է ՄԱԿ-ի պաշտոնական ներկայացուցիչը:  

«Ես գիտեմ, որ մյուս պատվիրակությունները կժամանեն մի քանի օրվա ընթացքում՝ սկսած, հնարավոր Է, շաբաթ օրվանից (ապրիլի 9-ից)»,- ասել Է Ֆաուզին՝ հիշեցնելով, որ բոլոր պատվիրակություններն Էլ ցանկություն են հայտնել մասնակցելու փուլին: Նրա խոսքով՝ «շատ հաստատ մտադրություն  Է հայտնվել բոլոր պատվիրակությունների կողմից», որոնց հետ հանդիպել Է դե Միստուրան, «շարունակելու միջսիրիական բանակցությունների այդ գործընթացը»:

Հիշեցնենք, որ միջսիրիական լիաֆորմատ բանակցությունների առաջին փուլը կայացել Է մարտի 14-ից մնչեւ 24-ը Ժնեւում, հաղորդել Է ՏԱՍՍ-ը: