Պատրաստ չեմ կրկնակի զիջել աշխատավարձս՝ հանուն եվրոպական ակումբի. Սպերցյան

Անդրադառնալով այն խոսակցություններին, թե ֆուտբոլիստները պատրաստ են հանուն եվրոպական ակումբի գնալ ֆինանսական զիջումների՝ Սպերցյանը նշել է.

«Հաճախ եմ լսում երկրպագուներից, թե մերոնք ոչ մի տեղ չեն գնում, քանի որ այստեղ հսկայական աշխատավարձեր են ստանում, իսկ ֆուտբոլիստներն ասում են, որ պատրաստ են թեկուզ «Էլչե» գնալ։ Ոչ, իհարկե։ Ինքս ինձ համար կարող եմ ասել, որ պատրաստ չեմ գնալ «Էլչե»։ Պատրաստ եմ տեղափոխվել այնտեղ, որտեղ ինձ սպասում են, լավ ակումբ, որտեղ ես կխաղամ։ Պատրա՞ստ եմ արդյոք կրկնակի պակաս աշխատավարձ ստանալ հանուն եվրոպական ակումբի։ Երևի ոչ։ Դա կախված է ակումբից։ Պայմանականորեն գնալ «Էլչե» և կրկնակի կորցնել աշխատավարձի հարցում՝ իհարկե, վախեցնում է»։

Պատասխանելով այն հարցին, թե որ լիգաներն են իրեն ավելի հոգեհարազատ և որտեղ կցանկանար շարունակել կարիերան՝ 25-ամյա ֆուտբոլիստը ասել է.

«Նախասիրություններիցս կարող եմ առանձնացնել Իսպանիան և Իտալիան։ Անգլիա՞ն։ Երևի դա, այնուամենայնիվ, մեկ աստիճան բարձր է։ Ես սկզբունքորեն չեմ վախենում, բայց ավելի լավ է այնտեղ տեղափոխվել որևէ այլ լիգայի միջոցով։ Գլխավորն այն է, որ ես խաղամ, այլ ոչ թե պարզապես գնամ ուր պատահի»։

Սպերցյանի պայմանագիրը «Կրասնոդարի» հետ նախատեսված է մինչև 2029 թվականի ամառը։ Transfermarkt պորտալը հայ կիսապաշտպանի տրանսֆերային արժեքը գնահատում է 25 միլիոն եվրո։