Արա Երնջակյանն այսօր նշում է ծննդյան 75-ամյակը
ՄշակույթՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ՀՀ ժողովրդական արտիստ, Երևանի կամերային թատրոնի հիմնադիր և գեղարվեստական ղեկավար Արա Երնջակյանն այսօր նշում է ծննդյան 75-ամյակը:
Արա Երնջակյանն ավելի քան 20 պիեսի, 5 կինոսցենարի, մի շարք գիտական աշխատանքների հեղինակ է, որոնց մի մասն ընդգրկվել է նրա ստեղծագործությունների չորսհատորյակում։ Նա բեմադրել է ավելի քան 50 ներկայացում, տասնյակ մեծածավալ միջոցառումներ, նկարահանել է 2 լիամետրաժ ֆիլմ։
«Այսօր շատ կարևոր ծննդյան օր է։
Արա Երնջակյան, մարդ, ով իր օրինակով ցույց է տալիս, թե ինչ է նշանակում լինել երազող ու միևնույն ժամանակ նպատակասլաց, լինել առաքինի, բայց ոչ երբեք խեղճ, լինել արվեստագետ, բայց ոչ խոնարհվող, լինել հայրենասեր առանց գոռալու, լինել ղեկավար առանց հրամայելու։ Մարդ ում հոգսերը շատ են, բայց հույսը մեծ։ Մարդ, ով իր վրա է վերցրել մեր քաղաքի սրտի բաբախյունը ապահովելու դժվար, բայց պատվաբեր առաքելությունը։
Իմ շատ սիրելի շե՛ֆ, ուզում եմ, որ առողջ լինեք, անսահման առողջ և շարունակեք ոգևորել, ապրեցնել, հույս ներշնչել ոչ միայն մեզ` Ձեր խենթ ու խելառ համախոհներիս, այլև այն միլիոնավոր հայերին, որոնք գեթ մեկ անգամ ոտք են դրել Կամերային թատրոն ու բացահայտել իրենց համար հեքիաթի ու իրականության նուրբ համադրությունը, որը փայլուն կերպով ստեղծվում է միայն ու միայն Ձեր շնորհիվ։
Ընդունեք այս խոսքերը, որպես երախտիքի և հավատարմության փոքրիկ դրսեւորում ու ժպտացեք, դա մեզ թևեր է տալիս ու ստիպում ճախրել թատրոն կոչվող տիեզերքի անսահման տարածության մեջ»,- ֆեյսբուքյան իր էջում գրել է ռեժիսոր Դավիթ Աբրահամյանը:
Հետևեք մեզ՝ այստեղ
1
2
3
4
5
1
2
3
4
1
2
3
4
