Իշխանափոխություն, իրական ընտրության հնարավորություն, քաղաքական դաշտի առողջացում. ընդդիմադիր նոր բևեռ է ձևավորվում. «Փաստ»
Մամուլ
«Փաստ» օրաթերթը գրում է.
Ոչ մեկ անգամ նշել ենք, որ առաջիկա խորհրդարանական ընտրություններում ընդդիմությունը պետք է հանդես գա խոշոր բևեռներով, քանի որ ցանկացած առանձին մասնակցություն կարող է նշանակել ձայների փոշիացում հօգուտ իշխող ուժի:
Եվ ահա, ինչպես երևում է, ձևավորվում է հերթական ընդդիմադիր դաշինքը, որը կարող է բավական լուրջ դերակատար դառնալ առաջիկա ընտրություններում: Խոսքն այն մասին է, որ երեկ «ՀայաՔվե» ազգային քաղաքացիական միավորումը և «Միասնության թևեր» քաղաքական նախաձեռնությունը համագործակցության հուշագիր ստորագրեցին՝ հանձնառություն ստանձնելով միասնաբար հանդես գալ առաջիկա համապետական ընտրություններում:
Մեր ունեցած տեղեկություններով, բանակցությունները շատ երկար են տևել՝ մոտ չորս ամիս, և, ի վերջո, կողմերը եկել են համաձայնության։ Հավելենք, որ սա այն դեպքերից է, երբ որևէ մի ուժ մյուսին չի միացել, այլ համատեղ կազմել են միասնական դաշինք:
«Մեր քաղաքական հայտի ներկայացումից հետո սա երկրորդ կարևոր հանգրվանն էր՝ ձևավորելու նոր, ազգային և ժողովրդական կարող քաղաքական ուժ, որն իրական այլընտրանք կարող է դառնալ գործող քաղաքական համակարգին, և հույս և հեռանկար տրամադրել մեր քաղաքացիներին»,- իր ֆեյսբուքյան էջում գրել էր «ՀայաՔվե» ազգային քաղաքացիական միավորման համակարգող Ավետիք Չալաբյանը:
«Փաստի» հետ զրույցում պարոն Չալաբյանը նշեց, որ այս միավորման նպատակը նախ՝ քաղաքական դաշտը առողջացնելն է, երկրորդ՝ ընտրողներին իրական ընտրություն տալը, և երրորդ՝ դրա միջոցով իշխանափոխություն իրականացնելը։
Մանրամասները՝ «Փաստ» օրաթերթի այսօրվա համարում
1
2
3
4
5
1
2
3
4
5
