1 կիլոգրամ ճարպային շերտ այրելու համար, որպեսզի մարդու մոտ առաջանա մոտավորապես 7700 կիլոկալորիայի դեֆիցիտ, մարդը պետք է կատարի 190-200 հազար քայլ կամ քայլի 140 կմ ճանապարհ, եթե մարդու քաշը չի գերազանցում 70 կգ-ը։ Այս մասին հայտարարել է «սպորտային բժշկություն» ուղղության մասնագետ Շալվա Ցուրցումիան, ռուսական gazeta-ի հետ զրույցում։
Ըստ նրա, յուրաքանչյուր քայլը կատարելիս այրվում է 0,04 կկալ։ Ընդ որում, այց ցուցանիշը կախված է մարդու քաշից, քայլի տեմպից ու տեղանքի ռելյեֆից, որտեղ մարդը քայլում է։ 60 կգ քաշ ունեցող մարդը 1000 քայլ կատարելիս այրում է 30-35 կիլոկալորիա, 80 կգ քաշ ունեցողը՝ 40-45 կկալ։ Մեկ ամսում մեկ կիլոգրամ նիհարելու համար օրական մարդը իր սովորական ակտիվությունից բացի, պետք է նաեւ 6-7 հազար քայլ կատարի։ Ցուրցումիան նաեւ զգուշացրել է, որ քայլելիս այրվում է ոչ միայն ճարպը, այլ նաեւ՝ գլիկոգենը, որը հանդիսանում է մկաններում ածխաջրերի պաշարը։ Մասնագետը նշել է, որ նիհարելիս պետք է հաշվի առնել բոլոր ֆակտորները եւ դա անել ողջամտորեն, առանց չափազանցությունների մեջ ընկնելու։
1
2
3
4
5
1
2
3
4
5
1
2
3
4
5
