Հայաստանն ու Միացյալ Թագավորությունն ամրապնդում են կիբերպաշտպանական ոլորտում կապերը «Defence Cyber Marvel 2026» վարժանքների շրջանակում
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Միացյալ Թագավորությունը և Հայաստանը շարունակում են ամրապնդել համագործակցությունը կիբերպաշտպանության ոլորտում՝ մասնակցելով «Defence Cyber Marvel 2026» բազմազգ վարժանքներին, որոնց մասնակցում են ավելի քան 2500 ներկայացուցիչներ 29 երկրներից, այս մասին նշված է Հայաստանում Մեծ Բրիտանիայի դեսպանության ֆեյսբուքյան էջում:
Դեսպան Ալեքսանդրա Քոուլը և Միացյալ Թագավորության ռազմական կցորդ Թոմաս Շորլանդ Բոլն այցելել են վարժանքների վայր, որտեղ հայ և բրիտանացի մասնակիցները կողք կողքի աշխատել են կիբերպաշտպանության կարողությունների հզորացման և փորձի փոխանակման ուղղությամբ:
Դեսպանը հանդիպել է Հայաստանի և Միացյալ Թագավորության մասնակիցների հետ, հետևել վարժանքների ընթացքին և քննարկել կիբերկայունության կարևորությունն այսօրվա փոփոխվող անվտանգային միջավայրում:
«Նման վարժանքներն օգնում են ամրապնդել վստահելի գործընկերային հարաբերությունները, խորացնել մասնագիտական փորձագիտությունը և սատարել անվտանգության ու կայունության հարցում մեր ընդհանուր հանձնառությանը: Միացյալ Թագավորությունը բարձր է գնահատում Հայաստանի հետ աճող համագործակցությունը պաշտպանության և անվտանգության ոլորտներում», — ասված է դեսպանության հաղորդագրության մեջ:
Վարժանքներին Հայաստանից մասնակցել են Պաշտպանության նախարարության, Տեղեկատվական համակարգերի գործակալության և Ազգային անվտանգության ծառայության ներկայացուցիչները:
Հետևեք մեզ՝ այստեղ
1
2
3
4
5
1
2
3
4
5
1
2
3
4
5
