Մերի Հակոբյանը «Բախտաբեր» հեռուստասերիալի շուրջ առաջացած սկանդալի վերաբերյալ ասում է իր եզրափակիչ խոսքը

Այսօր Life.panorama.am-ին այս թեմայով վերջին օրերի թեժ զրույցներին ի պատասխան իր եզրափակիչ խոսքը ասաց դերասանուհի Մերի Հակոբյանը.

«Այն մարդիկ, ովքեր ստեղծագործում են, հոգի են դնում իրենց գրած ամեն բառի մեջ,  և ւմ եմ, յուրաքանչյուր ստեղծագործող մարդ նույնպես կվարվեր, ինչպես ես, գուցե դեռ ավելին: Հայաստանում մտավոր սեփականության գողությունը օրենքով պատժելի է, այս դեպքում, իմ երգի հիման վրա ստեղծվել է ածանցյալ երգ: Քավ լիցի, ես չեմ պատրաստվում այս խնդրով դատական գործ հարուցել, պարզապես ես ցավ եմ ապրում, որ որոշ այսպես ասած «պրոֆեսիոնալ» պրոդյուսերներ անհարգալից վերաբերմունք են ցուցաբերում անգամ իրենց սեփական աշխատանքի նկատմամբ: Երբ ես նրանց ասացի, որ հեռացնեն կունկնդրեք  և համապատասխանաբար խոսքերի հեղինակի անունը փոխեն ու նորից հրապարակեն, ինձ ասացին, մենք արդեն ունենք դիտելիության քանակ, մեկնաբանություններ, ուստի չենք կարող, ինչը ինձ ապշերեց, որ որոշ մեկնաբանությունների կամ դիտումների քանակը ինչ-որ կեղծ ստվեր կարող է գցել իրենց աշխատանքին՝ չկամենալով նույնիսկ իմ այդքան հորդորումներից հետո շտկում կատարել տիտրերում»:

երի Հակոբյանի խոսքերով նա բոլոր ապացույցներն ունի, բայց չի ցանկանում այս խոսակցություններն էլ ավելի թեժացնել. «Ես ունեմ այս երգի խոսքերի բոլոր սևագրերը, որ դեռ 2013թ-ից եմ աշխատել դրանց վրա, ունեմ առաջին ձայնագրությունը, որը կատարել է Ռիչարդ Մադլենյանը, այսինքն՝ ապացույցները բավարար քանակի են, բայց ես չեմ ցանկանում, որ իմ անունը հայտնվի սկանդալային քննարկումների կիզակետում: Յուրաքանչյուրս սխալվելու իրավունք ունենք, ես էլ նրանց այդ սխալվելու իրավունքը տալիս եմ, իմ նպատակն էր պարզապես, որ հանրությանը  տեղեկացնեի, որ դա իմ աշխատանքն է, որպեսզի հանրությունը խաբված չլիներ, քանի որ ըստ իս, հանդիսատեսի հետ պետք է լինել անկեղծ, որպեսզի աշխատանքդ գնահատվի»,- նշեց ստեղծագործող դերասանուհին: