The Beatles-ի հերոսները Կամերային թատրոնի բեմում. պրեմիերան, հյուրերն ու հետաքրքիր դրվագները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երևանի Կամերային թատրոնում կայացավ «The Beatles» ներկայացման պրեմիերան՝ նվիրված բրիտանական հանրահայտ խմբի ստեղծամաննու անցած ողջ ճանապարհին:  Ներկայացման պիեսի հեղինակն ու ռեժիսորը Դավիթ Աբրահամյանն է, լեգենդար հերոսներին մարմնավորում են Ներսես Մարկոսյանը, Սենիկ Բարսեղյանը, Զիրոյանը և Սուրեն Պողոսյանը: Ներկայացման առաջնախաղից առաջ Tert.am Life-ը զրուցել է ստեղծագործական թիմի հետ ոը ֆոտոշարքով առանձնացրել երեկոյի հետաքրքիր ամենահետաքրքիր դրվագները:

Դավիթ Աբրահամյանի խոսքով՝ ներկայացման գաղափարը ծնվել է Լուսինե Երնջակյանի առաջարկով։
«Սա «Beatles»-ի ճանապարհորդությունն է ժամանակի և երաժշտության միջով։ Մենք արդեն ունեցել ենք Ազնավուրին նվիրված նմանատիպ ներկայացում և որոշել ենք թատրոնում ձևավորել մի շարք՝ անդրադառնալով լեգենդար արտիստների ու խմբերի։ Ներկայացումը երաժշտական-դոկումենտալ է, հիմնված է փաստավավերագրական տվյալների վրա, որպեսզի հանդիսատեսը Բիթլսի մասին ստանա հստակ ու ամբողջական պատկերացում»,- նշեց ռեժիսորը։

Նա նաև հավելեց, որ այս ներկայացումը սիրո մասին է.
«Արվեստը կամ սիրո մասին է, կամ սիրո բացակայության, իսկ մեր դեպքում՝ սիրո, սիրո և դարձյալ սիրո»։

Ջոն Լենոնի կերպարը մարմնավորող Ներսես Մարկոսյանն ընդգծեց, որ իր կերպարը լիդեր է, երբեմն՝ էգոիստ, բայց միաժամանակ հակահերոս․
«Beatles»-ը սեր է քարոզում։ Նրանք սովորեցրին մարդկանց սիրել, լավ իմաստով խենթություններ անել, Rock and Roll սիրել ու ապրել»։

Փոլ Մաքարտնիի դերում հանդես եկող Սենիկ Բարսեղյանի խոսքով՝ ներկայացումը ինքնակենսագրական-դոկումենտալ ձևաչափ ունի.
«Այս աշխատանքի ընթացքում մենք ինքներս բացահայտեցինք «Beatles»-ի բազմաթիվ փաստեր  կյանքի ու փոխհարաբերությունների մասին։ Կարծում եմ՝ այս ձևաչափը հետաքրքիր կլինի հանդիսատեսի համար և մեզ համար ևս նոր փուլ է»։

Ռինգո Սթարի կերպարը մարմնավորող Սուրեն Պողոսյանն ընդգծեց խմբի երաժշտության անկեղծությունն ու պարզությունը.
«Այդ երաժշտությունը հանճարեղ էր իր ազնվությամբ։ Ռինգոն խմբի ամենալուսավոր ու թեթև կերպարն է, ով նույնիսկ բարդ պահերին պահում է խաղաղությունն ու սերը»։

Ջորջ Հարիսոնի կերպարը ներկայացնող Զիրոյանը նշեց, որ իր հերոսը լռակյաց, խորքային անհատականություն է.
«Թեև «Beatles»-ի անդամներից բոլորն էլ անհատականություն են, բայց խմբին հիշում են հենց այդ քառյակով։ Նրանք ստեղծել են մի բան, որը ժամանակի սահմաններից դուրս է եկել։ Այս ներկայացմամբ մենք չորսով հանդիսատեսին կապրեցնենք Բիթլզի ժամանակաշրջանը»։

Հետևեք մեզ՝ այստեղ