«Գրեմմի»-2026․ Քենդրիկ Լամարի, Բիլլի Այլիշի և Լեդի Գագայի հաջողությունները (լուսանկարներ)

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Կիրակի երեկոյան Լոս Անջելեսում տեղի է ունեցել «Գրեմմի»-ի՝ երաժշտության աշխարհում ամենահեղինակավոր մրցանակների հանձնման 68-րդ արարողությունը: Այս մասին փոխանցում է bbc.com-ը։

Այս տարի այս իրադարձությունն ավելի քան երբևէ քաղաքականացվել է․ բազմաթիվ դափնեկիրներ և հյուրեր բողոքեցին ամերիկյան ներգաղթային ոստիկանության գործողությունների դեմ, որոնք վերջին շաբաթների ընթացքում կրակել և սպանել են երկու ցուցարարի։

Մրցանակը ստանալու ժամանակ զգացմունքային քաղաքական ելույթ է ունեցել պուերտոռիկացի ռեփեր Բեդ Բաննին, ով «Գրեմմի» է ստացել ամենահեղինակավոր անվանակարգում՝ տարվա ալբոմի համար:

Այս մրցանակը նրան բաժին է հասել «Debi Tirar Mas Fotos» ալբոմի համար, որը Լատինական Ամերիկայում հայտնի ռեգետոն ոճի ալբոմ է։

«Նախքան Աստծուն շնորհակալություն հայտնելը, ես կասեմ «Долой ICE!»,-ասել է երաժիշտը:

Նա նկատի ուներ ICE ներգաղթի դաշնային ծառայության աշխատակիցների գործողությունները, որոնք Մինեսոտայում գնդակահարել էին ցուցարարներին:

«Մենք բարբարոս չենք, մենք կենդանիներ չենք, մենք օտարներ չենք, մենք մարդիկ ենք, և մենք ամերիկացիներ ենք»,-ասել է նա։

Երգչուհի Բիլլի Այլիշը, ով «Գրեմմի» մրցանակի է արժանացել լավագույն երգի համար (Wildflower), նույնպես կոչ է արել բողոքել։

«Շատ դժվար է հասկանալ, թե հիմա ինչ է պետք ասել և Ինչ անել:  Եվ ինձ թվում է, որ մենք պարզապես պետք է շարունակենք պայքարել, բաց խոսել և բողոքել։ Մեր ձայները ճշմարտությունը նշանակություն ունեն, և մարդիկ նշանակություն ունեն»,-ասել է նա։

Այս տարվա «Գրեմմի»-ի դափնեկիր է դարձել 38-ամյա ռեփեր Քենդրիկ Լամարը, ով այս անգամ ստացել է հինգ մրցանակ (առաջադրված լինելով ինը անվանակարգերում՝ ամենամեծ թվով անվանակարգերն այս տարի):

Այսպիսով, նա դարձավ պատմության մեջ ամենատիտղոսակիր ռեփ երաժիշտները՝ գերազանցելով Jay-Z-ին։ Այժմ նա ունի ընդհանուր առմամբ 26 Գրեմմի մրցանակ:

Մասնավորապես, Լամարը Գրեմմի մրցանակներ է ստացել GNX ալբոմի, ինչպես նաև «Լավագույն ռեփ երգ», «Լավագույն մեղեդային ռեփ կատարում» և «Լավագույն ռեփ կատարում» անվանակարգերում։

Լեդի Գագան երկրորդն էր անվանակարգերի քանակով (նա մրցանակների էր հավակնում յոթ անվանակարգերում):

Նա արժանացել է «Գրեմմիի»՝ «Լավագույն փոփ վոկալ ալբոմ» («Mayhem»), «Լավագույն երգ», «Լավագույն պարային ձայնագրություն» («Abracadabra») և «Լավագույն ռեմիքս» անվանակարգերում:

Իր ելույթում երգչուհին կոչ արեց կին երաժիշտներին պաշտպանել իրենց սեփական ստեղծագործական տեսլականը։

«Գիտեմ, որ երբեմն, երբ մտնում ես տղամարդկանցով լի ստուդիա, դա կարող է դժվար լինել։ Բայց ես խրախուսում եմ ձեզ պայքարել ձեր երգերի համար, պայքարել ինքներդ ձեզ համար որպես պրոդյուսեր։ Եվ համոզվել, որ ձեզ լսելի են դարձնում»։

«Գրեմմի-2026»- ի հաղթողների ամբողջական ցանկը

«Լավագույն ռեփ ալբոմ»-«GNX», Քենդրիկ Լամար

«Լավագույն նոր կատարող»-Օլիվիա Դին

«Լավագույն քաղաքային ալբոմ» - «DeBí TiRAR MáS FOToS», Բեդ Բաննի

«Լավագույն ժամանակակից քանթրի ալբոմ» -«Beautifully Broken», Ջելլի Ռոլ

«Լավագույն վոկալ փոփ ալբոմ»- «Mayhem», Լեդի Գագա

«Լավագույն փոփ սոլո կատարում»-«Messy», Լոլա Յանգ

«Տարվա երգ»- «Wildflower», Բիլլի Այլիշ

«Տարվա ձայնագրություն» -«Luther», Քենդրիկ Լամարը և SZA-ն

«Տարվա ալբոմ»- «Debí Tirar Más Fotos», Բեդ Բաննի

Եվ մի քանի վառ լուսանկարներ կարմիր գորգից

Հետևեք մեզ՝ այստեղ