Սև գույնն ավելի բարեկա՞զմ է դարձնում

Ամենայն հավանականությամբ դուք լսել եք այս արտահայտությունը՝ սև գույնը նիհարեցնում է, սպիտակը՝ գիրացնում: Շատերը համարելով դա այդպես՝ ոտքից գլուխ սև են հագնվում: Բայց արդյո՞ք իրականում սև գույնը նիհարեցնում է և արժե՞ ամբողջությամբ այդ գույնի հագնվել:

Սկսենք նրանից, որ սև գույնը ինտրավերտ է, այսինքն ուղղված է ինքն իրեն․ դրա սահմանները հստակ են, այդ պատճառով այն վիզուալ նիհարեցնում է: Սպիտակն ունի ավելի լղոզված ուրվագծեր, այդ պատճառով, իրականում այն լայնացնում է տարածքը: Թվում է, թե խնդիրը լուծված է, և սևն, իրոք, ավելի բարեկազմ է ցույց տալիս, սակայն գոյություն ունի մեկ բայց: Այս գույնը ոչ բոլորին է սազում: Այն իրականում այդքան էլ համընդհանուր չէ, ինչպես կարծում են շատերը:

Սևը բավականին ուժեղ, վառ և կոնտրաստային գույն է: Սովորաբար մենք հագնում ենք այդ գույնի հագուստն ամենուր և միշտ, շատ հաճախ առանց դիմահարդարման, սանրվածքի՝ համարելով, որ թաքցնում ենք մեր թերությունները: Իրականում ստացվում է լրիվ հակառակը՝ սևը ցույց է տալիս բոլոր թերությունները, այդ պատճառով պետք է ավելի զգույշ լինել այդ գույնի հետ:

Մեծ նշանակություն ունի նաև կտորը և ձևը, օրինակ, փայլուն սևը կորող է աղավաղել ձեր կազմվածքը և ավելի գեր ցույց տալ: Վատ նստած սև հագուստը միայն կընդգծի թերությունները:

Մուգ կապույտ զգեստը ձեզ տեսողականորեն նիհար կդարձնի: Պետք է նշել, որ միայն սևը չէ, որ նիհարեցնում է, յուրաքանչյուր մուգ գույն ունի այդ հատկությունը: Այդ պատճառով նախապատվությունը կարող եք տալ մուգ մոխրագույնին, մուգ կապույտին, մուգ կանաչին, բորդոյի գույնին, մուգ մանուշակագույնին: Դրանք ոչ միայն ավելի գեղեցիկ տեսք կտան, այլև ձեզ այդքան մռայլ չեն դարձնի:

Երկրորդը, եթե, այնուամենայնիվ, դուք սիրում եք սև գույնը և չեք ցանկանում դրանից հրաժարվել, անպայման արեք դիմահարդարում և սանրվածք, նույնիսկ, եթե սևով որոշել եք գնալ խանութ՝ հաց գնելու: Սև գույնը պարտավորեցնում է լավ տեսք ունենալ: Ձեր մաշկը պետք է հարթ գույն ունենա, մազերը պետք է խնամված լինեն: Միայն այդ դեպքւմ սև գույնի հագուստը ներդաշնակ կլինի ձեր արտաքինի հետ:

Երրորդը, ընտրելով սև գույնի իրեր՝ ուշադրություն դարձրեք կտորին և ձևին: Հագուստը ոչ մի դեպքում վատ չպետք է նստի, այլապես շրջապատը հենց դա կտեսնի: Կտորը պետք է լինի որակով և ոչ մի դեպքում կիպ չպետք է լինի, այլապես բարեկազմ արտաքինի փոխարեն առաջ կգան ձեր բոլոր թերությունները:

Արդյունքում, կարելի է եզրակացնել, որ սև գույնը լավագույն ընտրությունը չէ: Այո, այն ձեզ ավելի բարեկազմ ցույց կտա, եթե դուք ընտրեք լավ ձևի և որակի կտոր ու կհարդարվեք այն հագնելուց առաջ: Իսկ եթե չեք ցանկանում այդքան ջանքեր գործադրել, ապա այլ մուգ գույների հագուստը կդառնան գերազանց այլընտրանք սևին:

Աղբյուր՝ LADYNEWS.am