ՀՀ-ում կա 50-ից ավելի քաղբանտարկյալ, մարդիկ, ովքեր ազատությունից զրկված են, որովհետև Փաշինյանին դուր չի գալիս, թե նրանք ինչ են խոսում, ինչպես են մտածում ու ինչին են հավատում. Մամիջանյան (տեսանյութ)
Դուք պատրա՞ստ եք, որ Փաշինյանը որոշի, թե դուք այսօր ինչ ուտեք կամ ուր գնաք, վստահ եմ, որ ոչ, բայց ինքն արդեն փորձում է մեզ թելադրել, ինչ խոսենք, ինչին հավատանք ու ում հերոսացնենք: ՀՀ-ում այս պահին կան 50-ից ավել քաղբանտարկյալներ, մարդիկ, ովքեր ազատությունից զրկված են, որովհետև Փաշինյանին դուր չի գալիս, թե նրանք ինչ են խոսում, ինչպես են մտածում ու ինչին են հավատում: Այս մասին Ազգային ժողովի նիստում ասել է «Պատիվ ունեմ» խմբակցության ղեկավար Հայկ Մամիջանյանը:
«Բոլոր քաղբանտարկյալները պայքարում են մեզանից յուրաքանչյուրի խոսքի ազատության համար: Իրենք այդ պայքարից ավելի ուժեղ են դուրս գալու: Նրանցից մեկը՝ Նարեկ Սամսոնյանը, դիմել է այդ պայքարի ամենածանր միջոցներից մեկին, արդեն 12 օր հացադուլի մեջ է, նա պայքարում է ոչ միայն իր ազատության, այլ նաև առողջության հաշվին: Նարեկի և մեր մյուս ընկերների պայքարին անտարբերությամբ պատասխանելը առնվազն անշնորհակալ կլինի»,- նշել է նա:
Եզրափակելով իր խոսքը՝ Մամիջանյանը մաղթել է ազատություն բոլոր քաղբանտարկյալներին՝ նշելով, որ մեր հասարակությունը չպետք է հանդուրժի այս իրավիճակը. «Ինձ գլխարկներ չեն սազում, և ես չեմ պատրաստվում հարվածային գործիքների վրա նվագել սովորել: Կապ չունի, թե քաղբանտարկյալը որ քաղաքական ուժին է սատարում, մենք չենք կարող լինել այն հասարակությունը, որը կհանդուրժի դատարանում մահացած Արմեն Գրիգորյանին, Նարեկ Սամսոնյանին և անազատության մեջ գտնվող բարերարին: Ազատություն բոլոր քաղբանտարկյալներին»:
1
2
3
4
5
1
2
3
4
5
3
4
