Բջնի գյուղից դեպի Հրազդան ճանապարհի մի քանի կիլոմետրանոց մերկասառույցի պատճառով շտապօգնությունը չի կարողանում հասնել բուժառուների տուն

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հանրապետությունում տեղացած առատ ձյունը անհարմարություններ է պատճառել նաև Չարենցավան խոշորացված համայնքի Բջնի բնակավայրի բնակիչներին, հայտնում է Shamshyan.com-ը։
 
Բջնի բնակավայրից դեպի Հրազդան մոտ 30 կիլոմետրանոց ճանապարհահատվածն ամբողջությամբ մերկասառույց է։

Ճանապարհն սպասարկող ընկերությունը ոչինչ չի ձեռնարկել ճանապարհից ձյունը հեռացնելու, հիմա արդեն մերկասառույցը աղ ու ավազով մշակելու ուղղությամբ։

Ֆոտոլրագրողի հետ զրույցում բնակիչները արդարացիորեն իրենց զայրույթն էին ուղղում Չարենցավանի քաղաքապետի, ճանապարհն սպասարկող ճանշինի հասցեներին՝ ասելով.

«Մարդ ինչ աստիճանի չսիրի իր երկիրը, իր քաղաքացուն, որ նման անփույթ վերաբերմունք ցուցաբերի աշխատանքի նկատմամբ։

Ասում են, թե մենք ճանապարհ ենք բռնում դեպի Եվրոպա։ Եվրոպայում նման անգործության պատճառով պաշտոնյան պաշտոնանկ կարվեր, մինչ այդ սակայն կպարտավորեցնեին, որպեսզի աշխատանքն իդեալական կատարի, անգամ խոշոր չափի գումարով կտուգանվեր։ Իսկ մեզ մոտ Բջնիով Հրազդան ընթանալիս պիտի խաչակնքվես և հույսդ դնես բարձրայալի վրա, որ փորձանքի չես գա։

2 անգամ շտապօգնության կանչ ենք տվել, 2 անգամ էլ շտապօգնությունը չի կարողացել մոտենալ բուժառուի տուն։ Ստիպված մի քանի կիլոմետր ոտքով հիվանդին տեղափոխել ենք հիվանդանոց։ Բա էդ մեր Չարենցավանի մեծն քաղաքապետը ի՞նչ է մտածում, հիմա կփորձի արդարանալ, թե ճանապարհն իմը չէ։ Դա լավ գիտենք, բայց որպես թիվ մեկ պաշտոնյա, քաղաքի հոգսերով մտահոգվող իբրև քաղաքապետ կարող է հետևողականություն ցուցաբերել, որ էդ ճանապարհները մաքրեն»։

Ֆոտոլրագրողը հայտնում է, որ բնակիչները խնդրանքով դիմում են Տարածքային կառավարման և ենթակառուցվածքների նախարար Դավիթ Խուդաթյանին, Կոտայքի մարզպետ Ահարոն Սահակյանին, որպեսզի ցուցաբերեն հետևողականություն ու պարտավորեցնեն ճանապարհն սպասարկող ընկերությանը իրական գործով զբաղվեն ու կարճ ժամանակում ճանապարհը մաքրեն մերկասառույցից։ Մերկասառույց, որի պատճառով անգամ ծնողները իրենց երեխաներին դպրոց չեն ուղարկում։

Հետևեք մեզ՝ այստեղ