Կամ պետությունը պետք է սուբսիդավորի, որպեսզի «Երևանի ՋԷԿ»-ի ու ԲԷՑ-ի վարկային պարտավորությունները փակվեն, կամ սակագինը պետք է թանկանա. Ղազինյան

«Հանրային ծառայությունները կարգավորող հանձնաժողովը նիստ գումարեց և  հայտարարեց, որ սպառողների համար հոսանքի սակագինը չի բարձրանում, բայց այստեղ կան մի քանի խնդիրներ»,- ասուլիսում ասաց ՀԷՑ-ի նախկին գլխավոր տնօրենի պաշտոնակատար Դավիթ Ղազինյանը։

Նա նշեց, որ էներգոհամակարգի ամբողջ բալանսը ունի մինուսներ, պլյուսեր, այսինքն՝ ինչ որ կազմակերպություններ ունենում են ֆինանսական մինուսներ, ինչ-որ կազմակերպություններ՝ ֆինանսական պլյուսներ։

«Հանձնաժողովի տված տեղեկանքով ստացվում է, որ մինուսներն ու  պլյուսները կազմում են 0, 0, իմ անձնական կարծիքով, նման բան չի լինում, մաթեմատիկական որևէ հաշվարկով չի կարղ լինել 0, 0»,- ասաց Ղազինյանը։

Նա մեկ այլ խնդիր էլ նշեց. «Ատոմակայանի համար նախատեսվել է որպես կանխատեսվող այլ ֆինանսական եկամուտ 12,7 միլիրադ դրամ։ Որտեղից՝ Աստված գիտի։ Այս տարի  ատոմակայանը կանգնելու է 150 օր, կանխատեսվել է 12,7 միլիարդ դրամ այլ ֆինանսական եկամուտ, իսկ նախորդ տարի կանգնել էր 30-45 օր, բայց նախատեսված է  եղել ընդամենը 189 միլիոն դրամ այլ ֆինանսական եկամուտ։

Իմ կարծիքն ունեմ, թե այդ գումարը որտեղից է նախատեսվում, բայց թող հանձնաժողոովը պատասխանի՝ որտեղից։

Թող պատասխանի նաև Երևանի ՋԷԿ-ի ու ԲԷՑ-ի  ֆինանսական վարկային պարտավորությունները, որոնք պետք է այս տարի փակեին, ինչո՞ւ են հետաձգել և հետաձգելու պայմաններում փակելու ժամանակ ի՞նչ են անելու։ Կա երկու տարբերակ՝ կամ պետությունը սուբսիդավորի, որպեսզի  վարկային պարտավորությունները փակվեն, կամ սակագինը թանկանա»,- ասաց Ղազինյանը։

Մանրամասն՝ տեսանյութում։