Մեծ թվով քաղբանտարկյալներ ամանորը կնշեն բանտերnւմ. Տիգրան Աբրահամյան
Հասարակություն
Մեծ թվով քաղբանտարկյալներ ամանորը կնշեն բանտերում: 5 հոգևորական, որից 4-ը` Սրբազան: Առողջություն Միքայել Սրբազանին, ով այս օրերին հիվանդանոցում է: Այս մասին ֆեյսբուքյան իր էջում գրել է «Պատիվ ունեմ» խմբակցության քարտուղար Տիգրան Աբրահամյանը։
««Սիսական» ջոկատի հրամանատար Աշոտ Մինասյանը, Մասիսի նախկին քաղաքապետ Դավիթ Համբարձումյանը, մեդիադեմքեր Նարեկ Սամսոնյանն ու Վազգեն Սաղաթելյանը, ՀՀԿ խորհրդի անդամ Մովսես Քարտաշյանը, «Հայրենիք» կուսակցության գլխավոր քարտուղար Խաչիկ Գալստյանը, ՀՀԿ-ական Գարիկ Ադամյանը բանտում են:
Հիշեցնեմ, որ թեպետ մի շարք քաղաքական հետապնդման ենթակա անձինք բանտում չեն, սակայն նրանց նկատմամբ խափանման տարբեր միջոցներ են ընտրված:
Օրինակ` մեր գործընկեր Արթուր Սարգսյանը, բարերար Սամվել Կարապետյանը տնային կալանքի տակ են` բավականին խիստ սահմանափակումներով:
Մի քանի տասնյակ անձինք, այդ թվում` Արցախի ԱԺ պատգամավոր Դավիթ Գալստանը, նահատակված հերոսի հայր Արա Ռոստոմյանը, Լիդյա Մանթաշյանը վարչական վերահսկողության տակ է, իսկ նրանց նկատմամբ քաղաքական հետապնդումները շարունակվում են:
ՀՀԿ փոխնախագահ Արմեն Աշոտյանի խափանման միջոցն այս տարի թեպետ փոխվել է (15 ամիս բանտում էր, 11 ամիս տնային կալանքի ռեժիմում), սակայն իշխանության քաղաքական հետապնդումները նրա նկատմամբ ակտիվ շարունակվում են:
«Սրբազան պայքարի» գործով տարբեր քաղաքացիների նկատմամբ, ըստ իրավիճակի, խափանման տարաբնույթ ռեժիմներ են կիրառվում:
Ներողություն եմ խնդրում այն անձանցից, ում անունը չեմ հիշատակում, որովհետև ցանկը շատ երկար է և դժվար է բոլորին մտաբերել:
Ազատությո՛ւն իշխանության քաղաքական հետապնդումներին ենթարկվող բոլոր քաղաքացիներին, համբերություն և ուժ նրանց ընտանիքներին», - նշել է Աբրահամյանը:
1
2
3
4
5
1
2
3
4
5
1
2
3
4
5
