HYPE Armenia. Հայ մարզիկների փայլուն հաղթարշավը Երևանում
ՍպորտՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Դեկտեմբերի 30-ին Երևանում մեկնարկել է HYPE Armenia մրցաշարը, որն աչքի է ընկնում հայ մարտիկների տպավորիչ ելույթներով և հաղթանակների շարքով։
Մրցաշարի բացումը խորհրդանշական ստացվեց. UFC-ի մարտիկի անվանակից Արման Ծառուկյանը, ընդունելով մարտը ընդամենը երկու օր առաջ, նոկաուտով հաղթեց Հասկիլ Ամիրխանովին։
Հաջող ելույթներ ունեցան նաև պրոֆեսիոնալ բռնցքամարտի փորձ ունեցող մարտիկները՝ իրենց նորամուտը նշելով բռունցքամարտում։
Արմեն Աթաևը մրցավարների միաձայն որոշմամբ հաղթեց Իսա Ալիբեկովին։ Վահե Սարուխանյանը վստահ մենամարտ անցկացրեց և միաձայն որոշմամբ պարտության մատնեց Գաջի Մախդիևին։
Հաղթանակ գրանցեց նաև Էդգար «Ռուբակա» Հովհաննիսյանը, ով միաձայն որոշմամբ առավելության հասավ Խոչբար Դակաևի նկատմամբ։
Հաղթանակով աչքի ընկավ Ռոման Քալաշյանը, ում մրցակից Սուլեյման Մախմադովը երկրորդ ռաունդից հետո հրաժարվեց պայքարից։ Հուզիչ պահ գրանցվեց մինչ մարտը. տաջիկ մարտիկը ռինգ էր դուրս եկել ՀՀ դրոշով՝ ի հիշատակ 2021 թ. պատերազմում զոհված իր հայ ընկերոջ։
Հիմնական քարտում փայլուն հաղթանակ տարավ լեգենդար Դավիթ «Իմպերատոր» Խաչատրյանը։ Նա երկրորդ ռաունդում տեխնիկական նոկաուտի ենթարկեց դաղստանցի Աբուբաքար Մամեդովին՝ տանելով բռունցքամարտում իր 9-րդ հաղթանակը։
Գենադի Մակարյանի և Շամիլ Գասանբեկովի դիմակայությունն ավարտվեց կայծակնային արագությամբ՝ չտևելով անգամ մեկ րոպե։ Սկզբում Մակարյանը նոկդաունի ենթարկեց մրցակցին, իսկ երկրորդ անգամ հատակին հայտնվելուց հետո Գասանբեկովն այլևս չկարողացավ շարունակել պայքարը։ Արդյունքում՝ Գենադի Մակարյանը տպավորիչ հաղթանակ գրանցեց ընդամենը 55 վայրկյանում։
Հետևեք մեզ՝ այստեղ
1
2
3
4
5
1
2
4
5
1
2
3
5
