Բրյուսելի ահաբեկիչներից մեկը Բելգիայում հայտնի թեքվանդոիստի եղբայրն է
Միջազգային
Բրյուսելի օդանավակայանում պայթյուն իրականացրած ահաբեկիչներից մեկը Բելգիայում հայտնի թեքվանդոիստ Մուրադ Լաաշրաուի եղբայրն է:
Ինչպես հաղորդում է «Արմենպրես»-ը, վկայակոչելով Dayli Mail-ը, ահաբեկչության մեջ կասկածվող Նաջիմ Լաաշրաուին պրոֆեսիոնալ թեքվանդոիստ Մուրադ Լաաշրաուիի եղբայրն է, ով հաջողությամբ ներկայացնում է Բելգիան տարբեր միջազգային մրցաշարերում: Նշվում է, որ Մուրադ Լաաշրաուին Հարավային Կորեայում կայացած թեքվանդոի աշխարհի առաջնությունում ոսկե մեդալ է նվաճել:
Բելգիայի իշխանությունները կարծում են, որ հենց Նաջիմն է պատրաստել պայթուցիկը, և սա նրա առաջին ահաբեկչական ակտը չէ: Հաղորդվում է նաև, որ ընտանիքի անդամները դադարել են շփվել Նաջիմի հետ այն բանից հետո, երբ նրա մոտ ծայրահեղական համոզմունքներ են ի հայտ եկել: Ընտանիքի անդամները նշել են, որ ամաչում են իրենց հարազատի նման պահվածքի համար: «Մենք արդեն երեք տարի նրան չենք տեսել»,- հայտարարել է Լաաշրաուի եղբայրների հայրը:
Լաաշրաուների ընտանիքի անդամները մտահոգվում են, որ տեղի ունեցածը կարող է բացասական անդրադառնալ Մուրադի պրոֆեսիոնալ կարիերայի վրա:
1
2
3
4
5
1
2
3
5
3
5
