Ֆուլհաուսցիների արկածները Եվրոպայում. չհրապարակված լուսանկարներ

Blognews.am-ը գրում է.

Միհրան Ծառուկյանը, Արփի Գաբրիելյանը, Գոռ Հակոբյանը, Անի Երանյանը, Գրիգոր Դանիելյանը,  Մարջան Ավետիսյանը, Արմեն Պետրոսյանը, Գարիկ Սեփխանյանն ու Մոսո Կարապետյանն այս օրերին Եվրոպայում են, որտեղ տարբեր քաղաքներում «Ֆուլ հաուսի» երկրպագուներին ներկայանում են համերգ-ներկայացումներով։

Նախագծի պրոդյուսեր Արմեն Պետրոսյանը BlogNews-ին չհրապարակված լուսանկարներ է տրամադրել եվրոպական շրջագայությունից և պատմել, թե ինչպես են անցնում համերգները. «Եվրոպայի հանդիսատեսին առաջին անգամ են ներկայանում։ Համերգներն անցնում են լեփ-լեցուն դահլիճներում։ Գլոբալ առումով տարբերություններ չկան մյուս երկրներից»։

Ֆուլ հաուսցիները փորձում են համատեղել հանգիստն ու աշխատանքը։ Ի դեպ, այս անգամ Գրիգոր Դանիելյանին և Մոսո Կարապետյանին են ուղեկցում սիրելի կանայք՝ Հռիփսիմեն և Քրիստինան։ «Շատ գեղեցիկ քաղաքներ են, եթե ժամանակ ենք ունենում, նաև զբոսնում ենք։ Մինչև ապրիլի 20-ը գրաֆիկը շատ խիտ էր, ամեն օր համերգներ ունեինք տարբեր քաղաքներում։ Այս օրերին մի քիչ ազատ ենք և կարող ենք նաև հանգստանալ»,- ասաց Մենչը։ Երեկ նրանք Ստրասբուրգից մեկնել են Համբուրգ, քանի որ վաղը կրկին ներկայացում ունեն։

Մայիսին ֆուլհաուսցիները վերջապես ներկայացումը կխաղան հայաստանաբնակ հանդիսատեսի համար։ Քանի որ այս ընթացքում նրանք ԱՄՆ-ում արդեն 2 տարբեր ծրագրով են ներկայացել, երևանյան ներկայացումը լինելու է այդ երկուսի միքսը։