Ի՞նչ վիրահատության է ենթարկվել Արա Ղազարյանը

Life.panorama.am-ը գրում է .

«Շնորհակալ եմ բոլորին, որ իմ առողջության համար անհանգստանում եք: Զգացված ու հուզված եմ բազմաթիվ զանգերի, նամակների, օգնության առաջարկների համար: 
Իսկ ընկերներիս մասին պատմությունը լռում ա… Էլի, կրկին, նորից համոզվեցի, որ դուք հրաշք եք…»:

Այսօր առավոտյան Արա Ղազարյանն ահա այս գրառմամբ է հանդես եկել, ինչն անմիջապես շատերին անհանգստանալու առիթ է տվել: Life.panorama.am-ը կապ հաստատեց հաղորդավորի հետ, ով այս պահին գտնվում է ԱՄՆ-ում: Պարզվում է 2015-ի աշնանը, երբ Արա Կազարյանը Լոս Անջելեսից Երեւան մեկնելիս է եղել, օդանավակայանում ընկել է ու վնասել ոտքը.

«Աշնանը Լոս Անջելեսից  Երեւան թռիչքից առաջ հենց օդանավակայանում ընկա ու լրջորեն վնասեցի ոտքս. Ծնկիս հիմնական խաչաձև ջիլը կտրվել էր: Այն ժամանակ սարսափելի ցավերով թռա Երևան, քանի որ իմ հաղորդման նկարահանումների վերջին փուլը պետք է իրականացնեինք: Անգամ Աերոֆլոտը չէր համաձայնվում այդ վիճակով ինձ ինքնաթիռ թողնել, եւ միայն ստորագրությունիցս հետո են թույլ տվել նստել ինքնաթիռ: Ամիսներ հետո՝ այսօր բարդ վիրահատության ենթարկվեցի, որի ընթացքում ոտքիս ջիլը տրանսպլանտ արեցին»,- պատմեց Արա Կազարյանը:

Նրա փոխանցմամբ՝ բարդ վիրահատությունից հետո վերականգնողական շրջանը կտեւի երեք ամիս.

«Ընդհանուր վերականկնողական շրջանը կտեւի երեք ամիս, բայց միայն մեկ շաբաթ կպահանջվի մնալ տան, դրանից հետո կկարողանամ գնալ աշխատանքի: Իհարկե, մեքենա վարել չեմ կարող, մեկ ամիս հենակներով եմ քայլելու»,- նշեց նա:

Արա Ղազարյանը, ով վարում է «Ուշ երեկոյան» ծրագիրը, Երեւան կվերադառնա օգոստոսին, որպեսզի նկարահանվի հաղորդման աշնանային եթերաշրջանում:

Հեղինակ՝ Անուշիկ Մելքոնյան