Բելառուսի ազգային ընտրանին Հայաստանի դեմ խաղին կներկայանա կորուստներով
Սպորտ
Բելառուսի ազգային հավաքականը մարտի 25-ին Երևանում կայանալիք Հայաստանի ընտրանու դեմ ընկերական հանդիպմանը կներկայանա մեծ կորուստներով: Ինչպես հաղորդում է «Արմենպրես»-ը՝ վկայակոչելով Pressball-ը, վնասվածքների հետևանքով հավաքականին չեն կարողանա օգ նել «Տոմ»-ի կիսապաշտպան Պավել Նեհայչիկը, «Գենչլերբիրլիգի»-ի կիսապաշտպան Ալեքսանդր Գլեբը, Եկատերինբուրգի «Ուրալ»-ի դարպասապահ Յուրի Ժևնովը, «Գազիանտեպսպոր»-ի կիսապաշտպան Անտոն Պուտիլոն, ԲԱՏԷ-ի հարձակվողներ Միխայիլ Գորդեյչուկն ու Նիկոլայ Սիգնևիչը, ինչպես նաև Իգոր Ստասևիչը և Մաքսիմ Բորդաչևը:
Բելառուսի հավաքականի մարզիչ ՍերգեյՊոլիտևիչը խոսել է առաջիկայում կայանալիք Հայաստանի և Չերնոգորիայի հետ ընկերական խաղերի մասին: «Հայաստանի և Չերնոգորիայի հավաքականներին ծանոթ եմ միայն իրենց առաջատարներով: Թե ինչպիսի թիմեր են, լավ պատկերացում դեռ չունեմ: Հավաքը նոր է սկսվել, մարզչական շտաբը դեռ կհասցնի տեղեկություններ հավաքել, խաղերին կներկայանանք ինչպես հարկն է»,- ասել է մարզիչը:
Հայաստան-Բելառուս հանդիպումը տեղի կունենա մարտի 25-ին՝ Երևանի «Հանրապետական» մարզադաշտում: Մրցավեճը կմեկնարկի 19:00-ին:
1
2
3
4
5
1
2
3
4
2
3
5
