Բեյոնսեի գեղեցկության և երիտասարդության գաղտնիքը

Բեյոնսեի դիմահարդարը՝ Ջոն Բարնետը, բացահայտել է 34-ամա փոփ-աստղի գեղեցկության գլխավոր գաղտնիքները: Ի դեպ այդ գաղտնիքները շատ չեն, ընդամենը երեքը:

Քսում ենք աչքերի տակի հատվածի համար նախատեսված կրեմը՝ ամբողջ երեսին

Տարիքային փոփոխություններին դիմակայելու համար, Բեյոնսեն դիմում է այդպիսի հնարքի՝ քսում է այդ կրեմը ամբողջ երեսին: «Այս միջոցների մեջ կան մանր բաղադրիչներ, որոնք ներթափանցում են ավելի խորը և ավելի արդյունավետ են կանխում կնճիռների առաջացումն ու խոնավեցնում են մաշկը»,-ասում է Բարնետը:

Սակայն պետք է զգույշ լինել, զգուշացնում է նա, այդպիսի կրեմներն իրենց մեջ պարունակում են ավելի ակտիվ բաղադրիչներ և կարող են հանգեցնել տարբեր ռեակցիաների, օրինակ՝ ալերգիկ դրսևորումների: Բացի այդ այն կարող է փակել ծակոտիները և հանգեցնել բորբոքային գործընթացների: Մինչև այդ քայլին դիմելը, Ջոնը խորհուրդ է տալիս խորհրդակցել դիմահարդարի հետ:

Քսում ենք դեմքի համար նախատեսված կրեմը՝ մարմնին

Այստեղ աշխատում է նույն հնարքը: Դեմքի կրեմի բանաձևի մեջ կան այնպիսի բաղադրիչներ, որոնք արդյունավետորեն պայքարում են մարմնի տարիքային փոփոխութունների դեմ․ վերջիններս առաջին հերթին հայտնվում են պարանոցին, դեկոլտեի շրջանում և ձեռքերին:

«Կանանց մեծամասնությունը մեծ ուշադրություն է դարձնում դեմքի խնամքին, սակայն վաղ կնճիռներից խուսափելու համար նույն կերպ պետք է խնամել պարանոցը, դեկոլտեի հատվածը, մեջքը և նույնիսկ ոտքերը»,-ասում է Ջոն Բարնետը:

Կաղամբ կոկտեյլ․ Բեյոնսեի հիանալի մաշկի գաղտնիքը

Առողջ մաշկը առողջ սննդի արդյունք է: Բոլոր կանացի պարբերականները և գեղեցկության մասնագետները չեն հոգնում պնդել դրա մասին: Ջոնը համոզված է՝ որպեսզի մաշկը երկար երիտասարդ մնա, կինը պետք է ուշադիր հետևի իր սննդակարգին:

«Որպեսզի մաշկը ներսից շողա, խմեք թարմ քամած հյութեր՝ կեյլ կաղամբից: Այն պարունակում է շատ K վիտամին, որը լավացնում է արյան շրջանառությունը և օգնում հյուսվածքներին ավելի արագ նորացվել, ինչը լավ է ազդում մաշկի վրա»,-կիսվել է Բարնետը:

Քանի որ շատ դժվար է գտնել այս կաղամբից մեր խանութներում, ապա դրա փոխարեն կարելի է օգտագործել սպանախ, բրոկոլի, բանան, խնձոր, գազար, լոլիկ և վարունգ: Այս մթերքները նայնպես պարունակում են մեծ քանակությամբ K վիտամին, որը լավացնում է մաշկը:

Աղբյուր՝ LADYNEWS.am