Փարիզի ահաբեկչությանը մեղսակցության մեջ կասկածվող Աբդեսլամը բանտարկված Է Բրյուգեի ստորգետնյա խցում

 Փարիզի 2015 թվականի նոյեմբերի 13-ի ահաբեկչական գործողությունների մասնակցության մեջ կասկածվող Սալահ Աբդեսլամը բանտարկված Է Բրյուգեի խիստ ռեժիմի բանտի ստորգետնյա խցում: Այս մասին, ինչպես տեղեկացնում Է«Արմենպրես»-ը, հայտնել Է Derniere heure թերթը:

«Սալահ Աբդեսլամը մենախցում Է, որը գտնվում Է գետնի մակարդակից ցած: Ուստի նրա խցում վանդակապատ լուսամուտ չկա, այլ կա սոսկ լամպ առաստաղի տակ: Այնտեղ եղած ամբողջ կահույքն ամրացված Է հատակին: Այդ խցում նա անցկացնում Է օրը 23 ժամ»,- նշել Է թերթը:    

Խցում կա հեռուստացույց, եւ կալանավորն իրավունք ունի խնդրելու ռադիոըդունիչ, բայց միայն օրվա ցերեկային ժամերին: Նրան թույլատրվում Է կարդալ գրքեր: Միեւնույն ժամանակ ահաբեկչության մեջ կասկածյալը ոչ մի կապ չունի արտաքին աշխարհի կամ մյուս կալանավորների հետ, ինչը նրան կալանքի տակ պահելու ռեժիմի հանգուցային պայմաններից մեկն Է: Խցում տարածության հսկողությունն այնքան խիստ Է, որ նույնիսկ զուգարանակոնքի ջուրը ողողվում գնում Է խցի սահմաններից դուրս գտնվող կոճակի սեղմմամբ, ինչը կարող անել սոսկ բանտի հսկիչը:     

Բանտարկվածին այցելելու իրավունք ունի միայն նրա փաստաբանը: Թերթը նաեւ նշում Է, որ Աբդեսլամի խցին հասնելու համար անհրաժեշտ Է անցնել 13 զրահապատ դռներով եւ երեք վանդակապատ անցումներով, որոնք գտնվում են տարբեր տեսակի ազդասարքերի ներքո:  

Աբդեսլամը Բրյուգեի խիստ ռեժիմի կենտրոն Է տեղափոխվել մարտի 19-ին՝ Սեն Պիեռ հիվանդանոցից դուրս գրվելուց անմիջապես հետո, որտեղ վիրահատել են նրա ոտքը հրազենային վերքից հետո, որ ստացել Էր մարտի 18-ին Մոլենբեկ կոմունայում հատուկ գործողության ընթացքում կալանավորման ժամանակ: Այս պահին որոշվում Է նրան Ֆրանսիային արտահանձնելու հարցը, հաղորդել Է ՏԱՍՍ-ը: