Ճապոնական դիմակը կերիտասարդացնի 10 տարով

Երբևէ մտածել եք, թե ինչու՞ ճապոնուհիներն այդքան լավ տեսք ունեն: Նրանք մինչև ծերացումը պահպահում են ձիգ մաշկը, լավ կազմվածքը և առողջ մազերը:

Ինչպե՞ս է նրանց դա հաջողվում: Որոշ մասնագետներ պնդում են, որ ճենապակյա մաշկն արևածագի երկրում բնության պարգևն է, իսկ ոմանք կարծում են, որ դա հատուկ սննդակարգի և խնամքի արդյունք է:

Նրանց խնամքի բաղադրիչներից մեկը բրինձն է: Սովորաբար գեյշաները օգտագործում էին բրնձի թեփը՝ մազերի փափկացման համար: Նրանք լողանում էին բրնձի ջրում և դրանով ողողում գլուխը:

Մաշկին ճենապակյա երանգ տալու համար ճապոնուհիները օգտագործում էին բրինձի ալյուրով տոպրակներ: Նրանք այն ընկղմում էին տաք ջրի մեջ, այնուհետև կախում թավայի վերևը, որտեղ կաթում էր ջուրը և այդ ջրով լվացվում:

Բրինձը սնում է մաշկը,  այն պաշտպանում ուլտրամանուշակագույն ճառագայթներից և կանխում կնճիռների առաջացումը: Տնային պայմաններում պատրաստած բրինձով դիմակները խնամում են մաշկը, այն դարձնում  ձիգ:

Ճապոնական դիմակ դեմքի համար

Պատրաստման համար անհրաժեշտ են․

- 3 ճաշի գդալ բրինձի ալյուր
- 2 թեյի գդալ մեղր
- 1 թեյի գդալ սերուցք։

Խառնում եք բոլոր բաղադրիչները, քսում այն դեմքին, պարանոցին և դեկոլտեի հատվածին: Թողնում եք 30 րոպե, այնուհետև դեմքը լավ լվանում: Ցանկալի է՝ հանքային ջրով:

Այսպիսի դիմակ խորհուրդ է տրվում անել յոթ օրը մեկ անգամ:

Աղբյուր՝ LADYNEWS.am