Ֆրանսիան պատրաստվում է զորքեր ուղարկել Ուկրաինա

Ռուսաստանի արտաքին հետախուզության ծառայության տվյալներով՝ Ֆրանսիան պատրաստվում է ուղարկել շուրջ երկու հազար զինվորական Ուկրաինա։

Երկրի նախագահ Էմանուել Մակրոնը շարունակում է հետապնդել «պատմության մեջ որպես զորահրամանատար մտնելու» մտադրությունը՝ քննարկելով Ուկրաինա ֆրանսիական զորախմբի ներգրավման տարբերակը։

«Նրա ցուցմամբ՝ Ֆրանսիայի զինված ուժերի Գլխավոր շտաբը պատրաստում է Ուկրաինայում տեղակայվելու համար մինչև երկու հազար զինծառայողից բաղկացած զորախումբ, որը կաջակցի կիևյան վարչակարգին։ Խմբավորման հիմքը կկազմեն Ֆրանսիական օտարերկրյա լեգեոնի հարվածային ստորաբաժանումները, որոնց մեծ մասը լատինաամերիկյան երկրներից է», — նշված է Ռուսաստանի արտաքին հետախուզական ծառայության հաղորդագրության մեջ։

Հետախուզության տվյալներով՝ լեգեոներները արդեն տեղակայված են Լեհաստանի՝ Ուկրաինայի սահմանին մոտ գտնվող շրջաններում և անցնում են ինտենսիվ մարտական պատրաստություն։

Նախկինում Ռուսաստանի ԱԳՆ-ն հայտարարել էր, որ ՆԱՏՕ-ի երկրների զորքերի հնարավոր տեղակայումն Ուկրաինայում Ռուսաստանի համար լիովին անընդունելի է և կարող է հանգեցնել լուրջ սրացման։ Գերատեսչությունը նաև ընդգծել էր, որ Մեծ Բրիտանիայի և մի շարք եվրոպական երկրների կողմից հնչող նման հայտարարությունները կարելի է դիտարկել որպես մարտական գործողությունների շարունակման հրահրում։