Հին գերմանական բաղադրատոմս, որը բուժում է մի շարք հիվանդություններ

168.am-ը գրում է.

Myhealthyadvices կայքը ներկայացնում է հին գերմանական մի բաղադրատոմս, որը հրաշալի պայքարում է մի շարք հիվանդությունների դեմ և վերականգնում է օրգանիզմը:

Բաղադրիչները, որոնք ներառված են այս ըմպելիքի մեջ, խիստ առողջարար մթերքներ են, որոնք դրական ազդեցություն ունեն օրգանիզմի վրա:

Բաղադրություն

• 4 կիտրոն՝ կեղևով
• 4 մեծ գլուխ սխտոր
• 1 փոքր կոճապղպեղի արմատ
• 2 լ ջուր

Պատրաստման եղանակը

Կիտրոնները լվացեք և կտրատեք: Մաքրեք սխտորն ու խառնեք կիտրոնի և կոճապղպեղի հետ՝ բլենդերի մեջ: Լցրեք ամբողջը մետաղյա տարայի մեջ: Ավելացրեք ջուրը և ամբողջը տաքացրեք:

Անմիջապես անջատեք կրակը՝ մինչև խառնուրդի եռալը, և թողեք սառչի: Քամեք և լցրեք ապակե տարայի մեջ: Ամեն օր դատարկ ստամոքսին, ուտելուց առնվազն 2 ժամ առաջ, մեկ բաժակ խմեք այս ըմպելիքից:

Պրոցեդուրան տևում է 3 շաբաթ, որից հետո մեկ շաբաթ դադար պետք է տալ: Դադարից հետո կարող եք նույն շրջանը սկսել:

Այս ըմպելիքը հրաշալի կերպով պայքարում է օրգանիզմում կալցիումի կուտակման դեմ, որի արդյունքում օրգանիզմում ի հայտ են գալիս քարեր և անոթների խցանումներ:

Կիտրոնի և ջրի համադրությունը չեզոքացնում է սխտորի համը. այնպես որ, մի անհանգստացեք բերանի տհաճ հոտի համար: Խմելուց առաջ մշտապես թափահարեք շիշը: